Prezıdent qol qoıǵan jańa Salyq kodeksíne sáıkes, bírqatar jeńíldík alushylar kólík salyǵyn tólemeıdí, - dep habarlaıdy aqshamnews.kz
Ózgerís 2026 jylǵy 1-qańtardan bastap kúshíne enedí.
Ūly Otan soǵysynyń ardagerlerí jáne olarǵa teńestírílgen adamdar, sonyń íshínde sheteldegí ūrys qımyldaryna qatysqandar;
KSRO ordenderí men medaldarymen eńbek jáne maıdandaǵy qyzmetí úshín marapattalǵandar;
Keńes Odaǵynyń Batyrlary jáne Sotsıalıstík Eńbek Erlerí;
"Halyq qaharmany" jáne "Qazaqstannyń Eńbek Erí" ataǵynyń ıegerlerí;
Úsh dárejelí Eńbek Dańqy ordeníníń kavalerlerí;
"Otan" ordeníníń ıegerlerí;
"Batyr ana" ordenímen nemese "Altyn alqa", "Kúmís alqa" marapattarymen nagradtalǵan kópbalaly analar;
Motokolyaskaǵa nemese avtokólíkke ıe múgedektígí bar adamdar (jeńíldík bír kólík qūralyna ǵana qoldanylady).
Ūıymdar úshín:
Memlekettík organdar men oqu oryndary – qozǵaltqysh kólemí 3 000 tekshe santımetrge deıíngí bír avtokólík pen bír avtobusqa;
Auyl sharuashylyǵy ónímín óndírushíler men fermerler – agroóndíríste qoldanylatyn arnaıy tehnıkaǵa.
Qosymsha:
Eskí kólíkterge salyq jeńíldígí: 10–20 jyldyq kólíkterge – 30%, 20 jyldan asqan kólíkterge – 50% jeńíldík; Qūny 18 000 AEK-ten (shamamen 70,8 mln teńge) asatyn avtokólíktí satqanda 10% aktsız engízíledí. Eger ıesí kólíktí bír jyldan artyq uaqyt ıelense – aktsız alynbaıdy.