Almaty Qazaqstandaǵy ınvestıtsıya tartu boıynsha eń tartymdy óńírlerdíń bírí retíndegí mártebesín saqtap keledí. Būǵan qalanyń joǵary kadrlyq áleuetí, damyǵan ınfraqūrylymy, keń tūtynu naryǵy jáne bıznes júrgízuge qolaıly jaǵdaı yqpal etíp otyr, – dep habarlaıdy aqshamnews.kz tílshísí.
Almaty qalasy Kásípkerlík jáne ınvestıtsıyalar basqarmasy ókílderíníń málímetínshe, 2026 jyldyń qańtar-mausym aılarynda negízgí kapıtalǵa salynǵan ınvestıtsıya kólemí 1,021 trln teńgege jettí. Investıtsıyanyń naqty kólem ındeksí 104,6% bolyp, megapolıstegí ınvestıtsıyalyq belsendílíktíń tūraqty ósímín kórsettí.
Investıtsıyalardyń negízgí bólígí íshkí kapıtal. Onyń kólemí 870 mlrd teńgege jetse, syrtqy ınvestıtsıya 151,5 mlrd teńge boldy. Syrtqy ınvestıtsıyanyń ósím qarqyny 112,9%-ǵa jettí.
Eń kóp qarjy jyljymaıtyn múlík, kólík jáne qoımalau, tsıfrlyq tehnologıyalar men energetıka salalaryna baǵyttaldy. Atap aıtqanda, jyljymaıtyn múlík sektoryna 299 mlrd teńge, kólík jáne qoımalau salasyna 172,6 mlrd teńge, aqparat jáne baılanys baǵytyna 143,8 mlrd teńge, al energetıka jobalaryna 93,9 mlrd teńge ınvestıtsıya salyndy.
Ásírese, ınvestorlar eń kóp qyzyǵushylyq tanytyp otyrǵan salalar qatarynda jyljymaıtyn múlík, logıstıka, tsıfrlyq ekonomıka jáne energetıka bar. Bıyl alǵashqy jartyjyldyqta jyljymaıtyn múlík sektoryna 299 mlrd teńge, kólík jáne qoıma salasyna 172,6 mlrd teńge (16,9%), aqparat jáne baılanys baǵytyna 143,8 mlrd teńge (14,1%) ınvestıtsıya salyndy.
Sonymen qatar elektr quatymen, gazben, bumen, ystyq sumen jabdyqtau jáne aua baptau júıelerí jobalaryna 93,9 mlrd teńge ınvestıtsıya baǵyttaldy.
Sonymen qatar 2026 jyldyń bírínshí toqsanynyń qorytyndysy boıynsha tartylǵan tíkeleı sheteldík ınvestıtsıya kólemí 2,1 mlrd AQSh dollaryna jettí. Qazaqstan Respublıkasy Ūlttyq bankíníń derekteríne sáıkes, būl kórsetkísh ótken jyldyń osy kezeńímen salystyrǵanda 32,1%-ǵa tómendegen.
Soǵan qaramastan Almaty ınvestıtsıyalyq belsendílíktíń joǵary deńgeıín saqtap, elímízdegí kapıtal tartudyń negízgí ortalyqtarynyń bírí bolyp qala beredí. Bıyl qalada jalpy qūny 542,8 mlrd teńge bolatyn 35 ınvestıtsıyalyq jobany júzege asyru josparlanǵan.
Jańa jobalar jańa jūmys oryndaryn ashuǵa, óndírístík ınfraqūrylymdy damytuǵa jáne megapolıs ekonomıkasyn odan árí ártaraptandyruǵa yqpal etedí.
Kásípkerlík jáne ınvestıtsıyalar basqarmasy ókílderíníń málímetínshe, ınvestıtsıyalyq bastamalardy íske asyru Almatynyń Qazaqstannyń eń írí ískerlík jáne ekonomıkalyq ortalyǵy retíndegí pozıtsıyasyn odan árí nyǵaıtyp, óńírlík jáne halyqaralyq deńgeıdegí básekege qabílettílígín arttyruǵa múmkíndík beredí.