Eńbek jáne halyqty áleumettík qorǵau mınıstrlígíníń málímetínshe, kez kelgen qyzmetkerdíń qashyqtan jūmys ísteuíne bolady, dep habarlaıdy aqshamnews.kz
Qashyqtan jūmys ísteı alu múmkíndígí qyzmetkerdíń de, jūmys berushíníń de bastamasymen anyqtalady. Kodekste mūndaı jūmysty atqaratyn qyzmetkerlerdíń naqty sheńberí kórsetílmegendíkten, taraptardyń kelísímí boıynsha kez kelgen qyzmetkerge ūıymdastyruǵa bolady. Ádette būl múmkíndík:
jūmys pen bala kútímín bíríktíretín adamdarǵa,
uaqytsha eńbekke jaramsyz bolǵandarǵa,
shalǵaı eldí mekenderde tūratyn qyzmetkerlerge,
sondaı-aq basqa da erekshe jaǵdaıdaǵy jūmysshylarǵa ūsynylady.
Qashyqtan jūmys ísteıtín qyzmetkerlerdíń jūmys uaqyty eńbek sharty nemese jūmys berushíníń aktísínde belgílenedí, kúndelíktí ūzaqtyǵy men baqylau erekshelíkteríne shekteuler saqtalady. Sonymen qatar eńbek aqy qyzmetkerdíń bílíktílígíne, jūmystyń kúrdelílígí men sapasyna qaraı tólenedí.
Mınıstrlík atap ótkendeı, tótenshe nemese áskerı jaǵdaılar, karantın sıyaqty shekteu sharalary jarıyalanǵan kezde, sondaı-aq qyzmetkerlerdíń ómírí men densaulyǵyna qauíp tóngen jaǵdaıda jūmys berushí qashyqtan nemese aralas jūmys rejımín uaqytsha engízuge qūqyly. Būl rette qyzmetkerlerdí eńbek míndetterín oryndau úshín qajettí jabdyqtarmen, aqparattyq tehnologıya qūraldarymen, baılanys qyzmetterímen qamtamasyz etu jáne shyǵyndardy óteu jūmys berushíníń jauapkershílígínde.
Mınıstrlík málímetínshe, qashyqtan jūmys tártíbí qazírgí zamandaǵy eńbek naryǵynyń ıkemdílígín arttyruǵa, azamattardyń jūmys pen jeke ómír arasyndaǵy balansyn saqtauǵa múmkíndík beredí.
