Ekologıya mınıstrlígíníń málímetínshe, Qazaqstandaǵy kıíkterdíń sany búgín rekordtyq deńgeıge jettí – 4 mln bas, sondaı-aq tóldeuden keıín 2026 jyly shamamen 5 mln basty qūraıdy, dep habarlaıdy aqshamnews.kz
Būl turaly premer-mınıstrdíń bírínshí orynbasary Roman Sklyardyń tóraǵalyǵymen ótken keńeste belgílí boldy.
Osyndaı qarqyndy ósudí eskere otyryp, uákílettí organdar Zoologıya ınstıtuty daıyndaǵan bıologıyalyq negízdeme negízínde auyl sharuashylyǵyna zıyan keltírmeu jáne ekojúıelík tepe-teńdíktí saqtau úshín januarlar sanyn tūraqty basqaru boıynsha ís-sharalar júrgízdí, – dep jazylǵan habarlamada.
Máselen, osy jyly 1 shíldeden 30 qarashaǵa deıín 196 myńǵa juyq kıík tárkílendí, ūshalary otandyq et óńdeu kásíporyndaryna beríldí. Jūmystar ǵylymı ūsynymdarǵa sáıkes qatań túrde júrgízíldí.
Derıvattardy esepke aluǵa jáne saqtauǵa erekshe nazar audarylady. Kıíkterdíń barlyq múıízí tańbalanyp, mınıstrlíkke vedomstvolyq baǵynysty "Ohotzooprom" ÓB" RMQK ūıymynda kúsheıtílgen kúzet jáne mamandandyrylǵan ınfraqūrylym jaǵdaılarynda saqtalady.
Derıvattardy tsıfrlyq tańbalau jáne halyqaralyq retteu máselelerí jeke qaraldy. "Qazaqtelekom" AQ-men bírlesíp tolyq qadaǵalaudy jáne zańdy aınalymdy qamtamasyz etetín kıík múıízderín tańbalau jobasy júzege asyryluda, – dep jazylǵan aqparatta.
Ūsynylǵan júıe CITES Halyqaralyq konferentsıyasynda qoldau tapty jáne qazaqstandyq derıvattardyń eksportyna shekteulerdí kezeń-kezeńímen alyp tastau úshín negíz retínde qarastyrylady.
Jıyn qorytyndysy boıynsha Roman Sklyar Ekologıya jáne tabıǵı resurstar mınıstrlígíne jáne basqa da múddelí memlekettík organdarǵa 2026 jylǵa kıík sanyn tūraqty basqaruǵa daıyndyq boıynsha sharalar qabyldaudy tapsyrdy.