Búgín Aqtauda Kazakh Tourism ūlttyq kompanıyasynyń ókílderí jergílíktí turıstík qauymdastyq pen qonaq úı ıelerímen kezdestí.
Kezdesude qarqyndy damyp kele jatqan kurorttyq aımaqta ūlttyq kompanıyanyń jyl sońyna deıín 1000-ǵa juyq salalyq mamandy oqytuǵa nıettí ekendígí aıtyldy. Oǵan óńírde aspazshylar, shveıtsarlar, dayashylar men bólme qyzmetkerlerí, jaǵajaıdaǵy qūtqarushy mamandar jáne ózge de sala mamandarynyń tapshylyǵy túrtkí bolǵan, dep habarlady Almaty-akshamy.kz. QR Mádenıet jáne sport mınıstrlígíníń saıtyndaǵy habarǵa sílteme jasap.
«Ótken jyly aımaqtaǵy barlyq qonaq úı keshenderí demalushylar sanynyń artqandyǵyn erekshe sezíndí. Sáıkesínshe, saladaǵy sapaly qyzmetkerlerdíń jetíspeushílígí baıqaldy. Eger 2025 jylǵa deıín Mańǵystau 1,7 mln turıstí qabyldaudy josparlap otyrǵanyn eskersek, onda bílíktí kadrlarǵa degen qajettílík tek arta túsedí», - dedí Ūlttyq kompanıya tóraǵasy Erjan Erkínbaev.
Aqtau qalasynyń halyqaralyq áuejaıynyń qyzmetkerlerí de oqytudan ótedí, onda kúrdelí jaǵdaılarda, tekseru jelísínde turıstermen ózara ís-qımyl jasau jáne t.b. mańyzdy máselelerge erekshe nazar audarylatyn bolady.
Oqytudan ótken barlyq qatysushylar jergílíktí kurorttyq nysandarda jūmysqa ornalasady.
Sonymen qatar, kezdesude QR Mádenıet jáne sport mınıstrlígí Turızm ındustrıyasy komıtetíníń tóraǵasy Dastan Ryspekov jaqynda qabyldanǵan turızm salasyndaǵy memlekettík qoldaudyń jańa sharalary turaly aıtty.
Sondaı-aq kezdesu ayasynda turısterdí esepke alu, turıstík aǵymdy taldau jáne kóshí-qon baqylauyn júzege asyruǵa arnalǵan bíryńǵaı aqparattyq júıe – eQonaq jūmysy tanystyryldy.
Búgínde būl júıe elímízdíń 383 ornalastyru oryndarynda (qonaq úıler, hostelder, demalys úılerí jáne t.b.) engízílgen. Al jyl sońyna deıín júıege elímíz boıynsha 600-den astam ornalastyru oryndary tírkelíp, onyń íshínde Mańǵystau oblysynyń barlyq obektílerí qosylady.