Ízdestíru operatsıyasy ayaqtaldy, dep habarlaıdy aqshamnews.kz tílshísí.
Qazaqstan Respublıkasy Qorǵanys mınıstrlígí Kaspıı teńízí akvatorıyasynda júrgízílgen ízdestíru-qūtqaru operatsıyasynyń ayaqtalǵanyn habarlaıdy.
Búgín, 25 qyrkúıekte, saǵat 09:15 shamasynda úzdíksíz júrgízílgen ízdestíru-qūtqaru jūmystary barysynda būǵan deıín íz-túzsíz joǵalǵan ekí áskerı qyzmetshíníń – serjant Mansūr Gumarov pen matros Mıras Tūrdybekūlynyń denelerí tabyldy.
Eske salaıyq, qaıǵyly oqıǵa oqu-jauyngerlík míndettí oryndau barysynda aua raıynyń kenetten kúrt nasharlauynan oryn alyp, nátıjesínde 17 áskerı qyzmetshíní ashyq teńízge alyp ketken bolatyn. Olardyń úsheuí qūtqarylyp, 14 áskerı qyzmetshí qaza tapty.
Qazaqstan Respublıkasy Qorǵanys mınıstrlígíníń jáne Qaruly kúshteríníń basshylyǵy men jeke qūramy qaza tapqan áskerı qyzmetshílerdíń tuǵan-tuystary men jaqyndaryna qaıǵyryp kóńíl aıtady.
Qaza bolǵan áskerı qyzmetshílerdíń otbasylaryna qajettí jan-jaqty, onyń íshínde materıaldyq jáne psıhologıyalyq kómek kórsetíledí.