Ekínshí orta sanattaǵy absolyuttí álem chempıony Saul «Kanelo» Alvares Gennadıı Golovkındí 17 qyrkúıekte ótetín trılogıyanyń sońǵy bólígínde merzímínen būryn jeńuge bel buǵanyn málímdedí, dep habarlaıdy Almaty-akshamy.kz Inform.kz-ke sílteme jasap.
«Kanelo» GGG-men shaıqasta mamyr aıyndaǵy Dmıtrıı Bıvoldan jeńílísín juyp-shaıyp, óz dıvızıonyndaǵy barlyq negízgí ataqtardy qorǵauǵa nıettí.
«Men būl jekpe-jekke daıynmyn. Rıngke shyǵudy asyǵa kútemín. Árqashan qaptalmen jūmys ísteımín árí kóp jattyǵamyn. Barlyq daǵdymdy kórsetíp, jūmysymdy oryndaǵym keledí. Basqa boksshylardyń Golovkınmen qalaı jūdyryqtasqanyn kórgím kelmeıdí. Óıtkení būl múldem basqasha. Bízdíń stılímíz ártúrlí. Men jaı ǵana sol jerde bolyp, óz ísímdí jasaǵym keledí. Men úshín būl jekpe-jektí senímdí túrde jeńu óte mańyzdy. Jeńílísten keıín maǵan kúshtí bolyp oralu mańyzdy. 12-shí raundqa deıín jeńgím keledí. Būl meníń maqsatym», — dedí «Kanelo» Fight Hub TV-ǵa bergen sūhbatynda.