Modýldik beketter ornatylǵan aýdandarda quqyqbuzýshylyqtar sany qysqardy.
Qazir óńirde osyndaı 57 beket bar. Jyldyń sońyna deıin taǵy 27 salynady. Bes jyl ishinde barlyǵy 167 beket ornatý josparlanýda.
Jyl basynan beri eldegi qylmys 2,5%-ǵa azaıdy, dep habarlaıdy Almaty-akshamy.kz. Polisia.kz. saıtyna silteme jasap.
«Memleket basshysy Qasym-Jomart Kemelulynyń naqty tapsyrmasy bar. Árbir memlekettik organ ashyq bolýy kerek. Al olardyń baǵasyn halyq beredi. Úsh jyldan beri ishki ister organdaryna úlken reforma júrip jatyr. Jyl basynan beri eldegi qylmys 2,5%-ǵa azaıdy. Qaraqshylyq shabýyl jeti paıyzǵa, tonaý –22%, buzaqylyq–26%-ǵa qysqardy», – dedi İshki ister mınıstri Erlan Turǵymbaev.
Sondaı-aq jasóspirimder arasyndaǵy, qoǵamdyq oryndar men kóshelerde jáne mas kúıinde jasalatyn qylmystar tómendedi.
«Qylmysty ashý kórsetkishi jaqsardy. Qoǵamdyq oryndarda qaýipsizdikti qamtamasyz etýge basty nazar aýdarylady. Memleket basshysynyń tapsyrmasymen “jurtqa jaqyn polısıa” jospary iske asýda. Osy jumys sheńberinde turǵyn úı aınalasynda, saıabaqtarda jáne skverlerde jaıaý patrúldiń sany kóbeıtilýde, qalalardyń asa krımınogendik ýchaskelerinde zamanaýı polısıanyń modýldik beketteri ornatylýda. Sol beketterde azamattardy táýlik boıy qabyldap, qyzmet atqarý úshin barlyq qajetti jaǵdaı jasalǵan. Sondaı-aq “polısıany shaqyrtý” dabyl júıesi ornatylǵan. Aryzdanyp kelgen azamat, tikeleı kezekshi bólimge habarlasa alady», – dep habarlady Erlan Turǵymbaev.