9 qańtarda Qazaqstannyń bírneshe óńírínde aua raıy kúrt qūbylyp, "Qazgıdromet" tūman, kóktaıǵaq, jayau būrqasyn jáne qatty jelge baılanysty dauyldy eskertu jarıyalady, dep habarlaıdy Aqshamnews.kz tílshísí.
Atyrau oblysynda tūman túsíp, jol kóktaıǵaqtanuy múmkín. Ásírese batysy men ońtústígínde jel kúsheıíp, ekpíní 15–20 m/s-qa deıín jetedí. Atyrau qalasynda túngí jáne tańǵy uaqytta joldyń taıǵaq boluy yqtımal.
Pavlodar oblysynyń soltústígí men shyǵysynda, sondaı-aq Qaraǵandy jáne Ūlytau oblystarynyń bírqatar aumaǵynda tūman túsíp, kórínu qashyqtyǵy tómendeıdí. Jezqazǵan men Qaraǵandyda da osyndaı ahual saqtalady.
Túrkístan oblysynyń batysy, soltústígí, ońtústígí jáne tauly óńírlerínde tūman kútíledí. Shymkent pen Túrkístan qalalarynda da keı uaqyttarda kórínu qıyndaıdy.
Almaty jáne Jetísu oblystarynyń tauly audandarynda, sondaı-aq Alakól mańynda jel kúsheıíp, ekpíní 15–20 m/s-qa deıín jetuí múmkín.
Batys Qazaqstan oblysynda kóktaıǵaq pen qoyu tūman boljanady. Oral qalasynda túnde jáne tańerteń asa saq bolǵan jón.
Aqmola, Qostanaı, Aqtóbe, Abaı jáne Qyzylorda oblystarynyń keı bólíkterínde tūman kútíledí. Keı óńírlerde jel ekpíní 15–20 m/s-qa deıín kúsheyuí yqtımal.
Soltústík Qazaqstan oblysynyń soltústígínde azdaǵan qar jauyp, jayau būrqasyn soǵady. Petropavlda túngí uaqytta qar men jel qozǵalysty qıyndatuy múmkín.
Mańǵystau oblysynda da kóktaıǵaq pen tūman qatar kútíledí. Aqtauda jáne oblystyń jekelegen aumaqtarynda kúndíz jel ekpíní 20 m/s-qa deıín jetuí yqtımal.
Sınoptıkter júrgízushíler men jayau júrgínshílerdí saqtyq sharalaryn kúsheıtuge, al alys jolǵa shyǵatyn azamattardy aldyn ala qauípsízdík josparyn qarastyruǵa shaqyrdy.