Ádilet mınıstrligi norma shyǵarý tásilderin qaıta qarady, - dep habarlaıdy Aqshamnews.kz.
Endi artyq prosedýralardy boldyrmaý úshin josparlaý sapasy men quqyqtyq retteýdiń naqty tıimdiligine basa nazar aýdarylady.
«Mınıstrlik artyq búrokratıany boldyrmaıtyn, zańnamanyń zamanaýı, turaqty jáne beıimdelgish modelin qalyptastyrýǵa arnalǵan tásilderdi ázirledi. Olar jedeldik pen basqarý derbestigine basymdyq bere otyryp, quqyqtyq retteý deńgeılerin ajyratýdyń naqty ólshemderin qamtıdy», - dedi Erlan Sársembaev.
Norma shyǵarý prosesine qandaı jańalyqtar engizilýde:
- «pakettik qaǵıdat» engizildi: endi zańǵa táýeldi aktiler normalar birden jumys isteı bastaýy úshin zańdarmen bir mezgilde ázirlenedi,
- artyq reglamentteý alynyp tastaldy: debúrokratızasıa aıasynda 25 zań qabyldandy, retteý deńgeıleri qaıta qaraldy,
- salalyq monıtorıńke kóshý: endi tek bir qujat qana emes, búkil zańnama salasynyń jaı-kúıi men turaqtylyǵy taldanady,
- ǵylymı súıemeldeý kúsheıtildi – Zańnama ınstıtýty qazir barlyq saraptamalar men zańdardyń tıimdiligin taldaýǵa jaýap beredi,
- jasandy ıntellekt engizilýde – arnaıy JI-agent ıdeıadan monıtorıńke deıingi búkil sıkldy súıemeldeıdi.