Audan ákímí Lázzat Jylqybaeva Óńírlík kommunıkatsıyalar qyzmetíníń alańynda Memleket basshysynyń syrtqy jaryqtandyrumen 100% qamtudy qamtamasyz etu jóníndegí tapsyrmasynyń oryndalu barysyn bayandady.
Ákímníń aıtuynsha, audannyń basym baǵytynyń bírí – kóshení úzdíksíz árí sapaly jaryqtandyrudy qamtamasyz etu. Jyl basynan berí audanda jaryq bolmaǵan 76 jerge jaryq berílíp, jyldyń sońyna deıín taǵy osyndaı 13 jerdí jaryqtandyru josparlanyp otyr.
Syrtqy jaryqtandyrudy jańǵyrtu ayasynda 56 dana ShUNO auystyryldy, 4340 jaryq shamy jańartyldy, 166 tírek ornatylyp, audan aumaǵynda 47 shaqyrymnan astam kabel jelísí tartyldy.
Būdan bólek, syrtqy jaryqtandyru qūrylysyna qatysty ekí úlken joba ázírleníp jatyr. Būl jobalar 33 kósheníń kólík joldary men 11 trotuardy, sondaı-aq sayabaq aımaqtaryn jaryqtandyrudy kózdeıdí. Osy jobanyń ayasynda 66 shaqyrymnan astam kabel jelísín auystyryp, 824 jaryq tíregín qoıyp, 1300 sham ornatyp, 2900 torsher qoyu josparlanǵan.
Joba ayaqtalu satysynda. Qūrylys-montaj jūmystary 2026 jyldyń II toqsanyna josparlanǵan.
Ǵımarattardyń qasbetín sáulettík jaryqtandyruǵa da erekshe kóńíl bólíngen. Qazírgí uaqytta 30 nysanda, sonyń íshínde 21 kóppáterlí tūrǵyn úı men 9 ákímshílík ǵımaratta jaryqtandyru jūmystary júrgízílíp jatyr. 9 ǵımarattaǵy jūmys ayaqtalǵan, taǵy 12-sínde mejege jetíp qaldy jūmys.
«Bízdíń maqsatymyz – audanda jaryq pen qauípsízdíktí arttyru ǵana emes, sonymen qatar Almatynyń kóshelerí men ǵımarattaryna da zamanǵa saı árí estetıkalyq kelbet beru», – dep atap óttí Lázzat Jylqybaeva.