Qazaqstanda qansha soǵys ardagerí qaldy?
1 sáuírdegí málímet boıynsha, Qazaqstanda 111 soǵys ardagerí bar, dep habarlaıdy aqshamnews.kz
Qazaqstanda 83 048 ardager tūrady, onyń íshínde Ūly Otan soǵysynyń 111 ardagerí, jeńíldíkter boıynsha ŪOS ardagerleríne teńestírílgen 16 796 ardager, 26 553 basqa memleketterdíń aumaǵynda ūrys qımyldarynyń ardagerlerí, 39 588 ŪOS jyldaryndaǵy tyl eńbekkerlerí.
Bıyl atalǵan sanattardaǵy azamattarǵa 4,3 mlrd teńge somasynda arnauly memlekettík járdemaqy tólendí. 2025 jyly osy maqsattarǵa 17 mlrd teńge qarastyrylǵan.
Respublıkalyq byudjetten beríletín aı saıynǵy arnauly memlekettík járdemaqy ardagerlerdíń barlyq sanattaryna, ózge de áleumettík tólemderdí aluyna qaramastan, mynadaı mólsherde tólenedí:
1) ŪOS ardagerlerí – 16 AEK (2025 jyly – 62 912 teńge);
2) jeńíldíkterí boıynsha ŪOS ardagerleríne teńestírílgen ardagerler, olardyń íshínde:
- ŪOS kezeńínde jaraqat aluy, kontuzıya aluy, mertíguí nemese auru saldarynan múgedektígí bar adamdarǵa jeńíldíkter boıynsha teńestírílgen adamdar – 7,55 AEK (2025 jyly – 29 687 teńge);
- jeńíldíkter boıynsha ŪOS qatysushylaryna teńestírílgen tūlǵalar – 6,19 AEK (2025 jyly – 24 339 teńge);
3) basqa memleketterdíń aumaǵyndaǵy ūrys qımyldarynyń ardagerlerí, onyń íshínde:
- Auǵanstandaǵy ūrys qımyldaryna qatysushylar – 6,19 AEK (2025 jyly – 24 339 teńge);
- Tájík-Auǵan uchaskesínde TMD shekarasyn qorǵaudy kúsheıtu jóníndegí míndetterdí oryndaǵan, Iraktaǵy halyqaralyq bítímgershílík operatsıyaǵa, Tauly Qarabaqtaǵy etnosaralyq qaqtyǵysty retteuge qatysqan áskerı qyzmetshíler – 4,8 AEK (2025 jyly – 18 874 teńge);
4) ŪOS jyldaryndaǵy tyl eńbekkerlerí – 2,13 AEK (2025 jyly – 8 376 teńge).