Būl turaly Oqu-aǵartu mınıstrlígíníń baspasóz qyzmetí málímdedí, dep habarlaıdy aqshamnews.kz
Jemqorlardan tárkílengen qarajat esebínen 86 myńnan astam oqushy orny íske qosyldy.
Memleket basshysynyń tapsyrmasy boıynsha qūrylǵan Bílím beru ınfraqūrylymyn qoldau qory jemqorlardan tárkílengen qarajat esebínen tolyqtyrylyp keledí. Mektepterde oryn jetíspeushílígí máselesín sheshu maqsatynda jańadan bílím beru ūıymdaryn salu nemese jańǵyrtu, oǵan japsarlas qūrylys salu júzege asyryluda.
"Memleket balalar úshín jaıly árí qauípsíz bílím beru ortasyn qalyptastyruǵa erekshe kóńíl bóledí. Búgíngí tańda 86 myńnan astam oryndyq 77 mektep paıdalanuǵa beríldí. Olardyń basym bólígí Almaty, Túrkístan, Qyzylorda, Jambyl oblystarynda jáne Astana qalasynda ornalasqan", – dedí Infraqūrylymdy damytu departamentíníń basqarma basshysy Jaıyq Maqsūtov.
Eske sala keteıík, qor qarajaty esebínen 100 myńǵa juyq oqushy oryndyq 89 mekteptíń qūrylysy qarjylandyryldy.
