Qazaq ádebıetí qara jamyldy. Qazaqstandyq tanymal jazushy, dramaturg, stsenarıst Ákím Tarazı 92 jasqa qaraǵan shaǵynda ómírden óttí.
Qaraly habar turaly aqyn Bauyrjan Qaraǵyzūly áleumettík jelíde jazdy, dep habarlaıdy aqshamnews.kz.
Ákím Úrtaıūly Áshímov (Ákím Tarazı) 1933 jyly 9 qyrkúıekte Almaty qalasynda dúnıege kelgen. 1950 jyly Jambyl oblysy Jańa tūrmys auylynda orta mekteptí támamdaǵan.
1957 jyly Abaı atyndaǵy Memlekettík pedagogıkalyq ınstıtutynyń fılologıya fakultetín ayaqtap, 1957-1959 jj. Jambyl oblysy Jańa tūrmys auylyndaǵy orta mektepte orys tílí jáne ádebıetí páníníń mūǵalímí qyzmetín atqardy. 1960-1962 jj. Máskeu qalasyndaǵy Joǵary stsenarlyq kursta oqydy.
1962 jyl – «Lıteraturnaya gazeta» basylymynyń Qazaqstandaǵy menshíktí tílshísí (Máskeu)
1964 jyl – «Qazaqfılm» kınostudıyasynyń bas redaktory
1970-1980 jj. – Qazaqstan Kınematografıster odaǵynyń bírínshí hatshysy, Qazaq KSR Kınematografıster odaǵynyń hatshysy
1980-1986 jj. – shyǵarmashylyq kezeń
1986-1990 jj. – Qazaqstan Jazushylar odaǵynyń hatshysy
1991-1994 jj. – Mádenıet mınıstríníń keńesshísí
1993-1996 jj. – «Qarjy-qarajat» jurnalynyń bas redaktory
1994-2004 jj. – T. Júrgenov atyndaǵy Qazaq ūlttyq óner akademıyasynyń professory
2009 j. – Astana qalasyndaǵy Qazaq ūlttyq óner unıversıtetíníń professory (2009-2011 j. – Qazaqstan Jazushylar odaǵy fılıalynyń jetekshísí).
Ákím Tarazıdíń «Tasjarǵan», «Qorqau jūldyz», «Sher», «Qıyanat», «Mūstafa Shoqaı», «Moskva – Balasaz» romandary, «Auyl shetíndegí úı», «Táj», «Mahabbat jyry», «Kók aspanda qyraǵy kóz bar», t.b. áńgíme-esselerí men povesterí, «Joly bolǵysh jígít» pesalar jınaǵy jaryq kórgen. Sondaı-aq 2023 jyly mamyr aıynda qalamgerdíń 12 tomdyq jınaǵynyń tūsaukeser rásímí ótken bolatyn.
Ákím Tarazıdíń stsenarıılerí boıynsha túsírílgen «Tūlpardyń ízí», «Arman – ataman», «Qarash-Qarash oqıǵasy», «Mūstafa Shoqaı», «Qyzjylaǵan» fılmderí qazaq kınosynyń «altyn qoryna» endí.
«Kúlmeıtín komedıya», «Jaqsy kísí», «Joly bolǵysh jígít», «Aqyn, períshte, mahabbat», «Índet», «Mahambet», «Laıner», «Úkílí jūldyz», «Qyz mahabbaty» jáne ózge de dramaturgıyalyq shyǵarmalary elímízdíń teatr sahnalarynda qoıyldy. Jazushynyń kóptegen tuyndylary orys, qytaı, polyak, bolgar jáne aǵylshyn tílderíne audarylǵan.
Ákím Tarazı N.Ya. Bıchurınníń «Ejelgí uaqytta Orta Azıyada ómír súrgen halyqtar turaly málímetter jınaǵy» («Sobranıe svedenıı o narodah, obıtavshıh v Sredneı Azıı v drevnıe vremena») jáne «Shyńǵys áuletínen shyqqan alǵashqy tórt hannyń tarıhy» («Istorıya pervyh chetyreh hanov ız doma Chıngızova») atty tarıhı ǵylymı-zertteu eńbekterín, sondaı-aq, F. Rableníń «Gargantyua jáne Pantagryuel» romanyn qazaq tílíne tárjímalaǵan.
1994 jyly «Qūrmet» ordenímen marapattaldy, 1997 jyly «Qazaqstannyń eńbek síńírgen qaıratkerí» ataǵyn aldy, 2002 jyly Qazaqstan Memlekettík syılyǵynyń laureaty atandy. 2011 jyly Praga qalasynda Frants Kafka atyndaǵy halyqaralyq ádebı syılyǵymen marapattaldy. Sol jyly Anglıyada Á. Tarazıdíń «Qorqau jūldyz» romany aǵylshyn tílínde jaryq kórdí. 2015 jyly «Otan» ordenímen marapattalǵan. 2021 jyly óner jáne ádebıet salasyndaǵy jetístíkterí úshín Qazaqstan Respublıkasynyń joǵary dárejelí úzdík nagradasy – «Qazaqstannyń Eńbek Erí» ataǵynyń ıegerí atandy.