Jazda temperaturanyń jıí auysuy, kondıtsıoner men salqyn taǵam-susyndardyń áserínen aǵza álsírep, kútpegen jaǵdaıda syr bere bastaıdy. Būl jaı ǵana tūmau emes - asqynuǵa beıím, eleusíz qaldyruǵa bolmaıtyn protsess. Osyǵan baılanysty Aqshamnews.kz tílshísí medıtsına ǵylymdarynyń doktory, Nyukasl unıversıtetíníń túlegí, ıntegratıvtí terapevt-dáríger Saǵyndyqova Álıya Abhanqyzymen sūhbattasyp, jazǵy suyq tıyudíń sebebí men saldary turaly áńgímelestí.
Álıya Saǵyndyqova
terapevt-dáríger
Jazǵy suyq nege auyr ótedí?
Dárígerdíń aıtuynsha, jazda suyq tıyu keıde qysqa qaraǵanda auyr ótuí múmkín. Sebebí adamnyń aǵzasy ystyq aua raıyna beıímdelíp tūrady da, kenetten kondıtsıonerdíń nemese mūzdaı susyndardyń áserínen dene temperaturasy tez suıdy.
"Qysta adamdar jyly kıíníp, syrtqy ortadan qorǵanuǵa tyrysady, al jazda ondaı saqtyq joq. Onyń ústíne, jazda tūmau belgíleríne mán bermeı júre beru de jıí kezdesedí. Būl jaǵdaı qabynudyń asqynuyna ákeluí múmkín", - deıdí dáríger.
Kondıtsıonerdí dūrys qoldanudyń erejesí
Kondıtsıoner men jeldetkísh - jazdaǵy jaılylyq kepílí ǵana emes, dūrys paıdalanbasa, qauíp kózí. Dárígerdíń aıtuynsha, kondıtsıonerdíń suyq aǵyny adamnyń betíne nemese arqasyna tíkeleı baǵyttalmauy kerek.
"Temperatura aıyrmashylyǵy 5–7°C-tan aspauy tıís. Ūıyqtap jatqanda jeldetkíshtí ózíńízge baǵyttau - moıyn men belge suyq tıyu qaupín arttyrady", - deıdí Álıya hanym.
Sonymen qatar, bólmení jıí jeldetíp, ylǵaldylyqty saqtau - tynys alu joldary úshín mańyzdy.
Immunıtet álsíz bolsa, vırusqa jol ashylady
Dáríger jazǵy ımmunıtettí ne álsíretetínín aıtyp berdí.
"Immunıtet myqty bolsa, aǵza kez kelgen suyqqa qarsy tūra alady. Bíraq jazda dūrys tamaqtanbau, ūıqynyń būzyluy, artyq stress pen susyzdyq ımmun júıesín álsíretedí", - deıdí dáríger.
Immunıtettí kúsheıtu úshín jetkílíktí ūıyqtau, teńgerímdí ratsıon, taza auada qozǵalys jáne kúızelístí azaıtu qajet.
Energıya jetíspeushílík neden tuady?
Jazda adamdardyń energıyasy azaıyp, únemí sharshańqy júretíní jıí baıqalady. Álıya Abhanqyzy mūndaı jaǵdaıda energetık susyndarǵa júgínudíń ornyna, tabıǵı ónímderdí tūtynuǵa keńes beredí. Onyń íshínde kók shaı, lımon qosylǵan jyly su, banan men jańǵaqtar, tańǵy sūly botqasy men ıogurt - aǵzany quattandyryp, ūzaq merzímdí sergektík beredí.
"Jazda aǵzany tyńdau kerek. Dene sharshaǵanyn bíldírse - demalys pen ūıqyǵa dūrys kóńíl bólíńíz. Būl - sharshaudyń eń jaqsy emí", — deıdí dáríger.
Sondaı-aq, sozylmaly stress aǵzany álsíretíp, suyq tıyuge beıím etedí. Mūndaı jaǵdaıda adamdar tūmau, gerpes sıyaqty vırustyq aurularǵa jıí shaldyǵady. Ūıqysyzdyq, asqazan-íshek joldarynyń būzyluy, qan qysymynyń tūraqsyzdyǵy sıyaqty máseleler de ushyǵa túsedí.