Almaty qalasy Nauryzbaı audanynyń komyunıtı-ortalyǵynda Konstıtutsıyanyń jańa jobasyn talqylauǵa arnalǵan dıalog alańy ūıymdastyryldy.
Ís-shara barysynda jastar Konstıtutsıya taqyrybynda óz oı-píkírlerín arnaıy paraqqa jazyp, ony ortaq taqtaǵa íldí. Jazbada Qazaqstan Respublıkasynyń Konstıtutsıyasynyń qoǵamdaǵy rólí, jastardyń qūqyqtary men míndetterí, zań ústemdígí men azamattyq jauapkershílík turaly jeke kózqarastary kórínís tapty. Kezdesu ınteraktıvtí jáne píkírtalas formatynda boldy.
- Maqsatymyz – jastardyń azamattyq belsendílígín arttyru, qūqyqtyq mádenıetín damytu, jastardyń Konstıtutsıya turaly qūqyqtyq sauattylyǵyn arttyru, azamattyq ūstanymyn qalyptastyru, zań ústemdígí men jauapkershílík qaǵıdattaryn túsíndíru, sondaı-aq jastar arasynda ashyq píkír almasu men belsendí azamattyq qatysudy damytu, – dedí Nauryzbaı audany komyunıtı ortalyǵynyń jetekshísí
Ís-sharaǵa jastar ūıymdarynyń ókílderí, sarapshylar, komyunıtı-ortalyq jetekshílerí, qoǵamdyq ūıymdar men medıa salasynyń ókílderí qatysty. Jıynǵa qatysqandardyń bírí Aıbek Beríkbolūly jańa Konstıtutsıya jobasyna qatysty píkír bíldírdí.
- Kezdesu belsendí jastardyń jáne studentterdíń qatysuymen óttí. Bıyl 15-nauryzda ótetín jalpyhalyqtyq referendum jaıly óz pozıtsıyamyz ben kózqarasymyzdy bíldírdík. Almaty qalasynyń jastary árdaıym nauqandarǵa, aktsıyalarǵa belsendí qatysuǵa daıyn. Jalpy Konstıtutsıya — ol eń aldymen memlekettíń tíregí. Sondyqtan zaman aǵymyna saı onyń tolyqtyrylyp, bekítílu kerek dep oılaımyn. Onyń íshíndegí jańa Konstıtutsıya jobasynda tsıfrlyq qauípsízdík tarmaǵynyń qosyluy qūptaımyn. Tsıfrlyq qauípsízdík osy kezge deıíngí zańda múldem belgílenbegen edí. Endí zań ayasynda osy baǵytta adamnyń qūqyqtary naqty bekítíldí, – dedí ol.