Jas otbasylar baspanaly bola ala ma?
QR IIDM qazaqstandyq jas otbasylarǵa páter satyp aluǵa múmkíndík beretín memlekettík qoldaudyń jeńíldíktí sharttaryn aıtyp, qoldanystaǵy jáne ákímdíkter ázírleıtín tūrǵyn úı baǵdarlamalary turaly habardar etedí.
Qoldanystaǵy «Nūrly jer» tūrǵyn úı-kommunaldyq damu memlekettík baǵdarlamasy ayasynda «Otbasy bank» AQ arqyly jyldyq 2% jeńíldíkpen nesıe beru kózdelgen, dep habarlady Almaty-akshamy.kz. QR Industrıya jáne ınfraqūrylymdyq damu mınıstrlígíne sílteme jasap. Nysanaly top – kezekte tūrǵandar, atap aıtqanda, kóp balaly, tolyq emes otbasylar jáne múgedek balalary bar janūyalar.
Búgínge deıín atalǵan baǵdarlama boıynsha tabysy tómen sanattaǵy 9443 otbasy baspanaly boldy.
Kezekte tūrǵan taǵy 17 myńynda «5-10-20» memlekettík baǵdarlamasy boıynsha páter satyp aluǵa qaryz alu múmkíndígí bar. Olar tūrǵyn úı qūnynyń 10% bastapqy jarnasyn tólep, 5%-ben 20 jylǵa deıín nesıe ala alady.
Būl maqsatqa Prezıdent Qasym-Jomart Toqaevtyń tapsyrmasy boıynsha 210 mlrd teńge bólíngen bolatyn. Atalǵan baǵdarlama boıynsha 9 699 otbasy páter satyp aluǵa nesıe rásímdegen.
2020 jyldyń shíldesínde bank jas otbasylarǵa arnalǵan «Jas otbasy» atty ózíníń tūraqty baǵdarlamasyn íske qosty. Bastapqy jáne qaıtalama naryqtarda tūrǵyn úı, sondaı-aq óz úıín salu úshín jer uchaskesín satyp alu úshín qaryzdar jyldyq 6%-ben beríledí. Al 2 jyl ótísímen mólsherleme 5%-ǵa deıín tómendeıdí. Nesıeleu merzímí 6 jyldan 9 jylǵa deıín.
Būl baǵdarlamada erlí-zaıyptylardyń jasyna jáne otbasyndaǵy balalardyń sanyna eshqandaı shekteuler joq. «Jas otbasy» boıynsha qaryz aludyń negízgí krıterıılerí: nekede 3 jyldan 5 jylǵa deıín tírkelu, «Otbasy bankte» depozıttíń boluy (ashyluy), tūrǵyn úı qūnynyń 50%-yn jınaqtau. Sondaı-aq, satyp alynatyn tūrǵyn úı somasynyń 50%-yn bír mezgílde salǵan kezde jeńíldíktí qaryz alu múmkíndígí bar.
Jastardy qoldaudyń 2021-2025 jyldarǵa arnalǵan bekítílgen keshendí josparyna sáıkes, oblystyq ákímdíkter tūrǵyn úı satyp alu úshín jas otbasylardy jeńíldíkpen nesıelendíru boıynsha óńírlík jobalar ázírleude.
Aqtóbe oblysynyń ákímdígí Otbasy bankímen yntymaqtastyq ayasynda jergílíktí byudjetten «Aqtóbe Jastary» jáne «Jas otbasylar men mamandardy nesıelendíru úshín qoljetímdí baspana» óńírlík baǵdarlamalaryn júzege asyruǵa 1,5 mlrd teńge bóluge nıettí.
Almaty oblysynyń ákímdígí jūmys ísteıtín jastar úshín «Jetísu jastary» baǵdarlamasyn bastapqy jarnasyz (bíraq qosymsha kepíl bolǵan jaǵdaıda) jūmys jasauda. Qaryzdyń eń joǵarǵy somasy 10 mln teńgege deıín.
Nūr-Sūltan qalasynyń ákímdígí «Elorda jastary» tūrǵyn úı baǵdarlamasyn íske qosudy josparlap otyr. 35 jasqa deıíngí jūmys ísteıtín jastar jergílíktí byudjetten 3 jyldan 25 jylǵa deıíngí merzímge jyldyq 5% jeńíldíkpen qarjylandyru esebínen 10 mln teńgege deıín qaryz ala alady.
Osy jobalardy íske asyrudyń bastalǵany turaly óńírlík ákímdíkterdíń saıttarynda jáne BAQ-ta, sondaı-aq Otbasy bankíníń saıtynda habarlanatyn bolady.
Sonymen qatar, jastar sayasaty jóníndegí uákílettí organ jastar men studenttík ūıymdardy, saraptamalyq jáne azamattyq qoǵamdastyq ókílderín tarta otyryp, jastardy jūmysqa ornalastyru, bílím beru, tūrǵyn úımen qamtamasyz etu máselelerín keshendí sheshu úshín «Táuelsízdík ūrpaqtary» ūlttyq jobasyn ázírleude.