Almatyda Rozybakıev kóshesindegi Mega Alma-Ata saýda ortalyǵyna jarylǵysh zat qoıylǵany týraly anonımdi habarlama túsip, kelýshiler men qyzmetkerler shuǵyl evakýasıalandy, dep habarlaıdy Aqshamnews.kz tilshisi.
Qalalyq polısıa departamentiniń málimetinshe, aqparat túsken sátten bastap barlyq jedel qyzmetter men arnaıy bólimsheler oqıǵa ornyna jumyldyrylǵan. Saýda ortalyǵynyń aýmaǵy qorshaýǵa alynyp, ǵımaratty komısıalyq tekserýden ótkizý úshin saperler men mamandar shaqyrylǵan.
Qazirgi ýaqytta quqyq qorǵaý organdary jalǵan habarlama taratqan adamnyń jeke basyn anyqtap jatyr. Polısıa onyń áreketine Qazaqstan Respýblıkasynyń zańnamasyna sáıkes qylmystyq jáne ákimshilik jaýapkershilik qarastyrylatynyn eskertti.
Vedomstvo turǵyndardy sabyr saqtaýǵa, quqyq qorǵaý organdary qyzmetkerleriniń zańdy talaptaryn oryndaýǵa jáne qaýipsizdik qyzmetteriniń nusqaýlaryn qatań saqtaýǵa shaqyrdy.