Bıylǵy (hıjra jyl sanauy boıynsha 1445 jyl) qajylyq mausymy statıstıka byurosy 1968 jyldyń basynda qajylyq esebín júrgíze bastaǵannan berí qajylyq tarıhyndaǵy eń úlken 34-shí mausym boldy.
Bıyl 3 161 573 qajy tírkeldí, būl - rekordtyq kórsetkísh, dep habarlaıdy Almaty-akshamy.kz Islam.kz-ke sílteme jasap.
Būl baǵyttaǵy málímetke sáıkes 56 jyl íshínde qajylyq jasaǵandardyń jalpy sany 100 mıllıonnan asqan. Ūmrany (kíshí qajylyq) ótegen adamdardy qosa alǵanda. Qajylar qarasy alǵash ret Grıgoıan kúntízbesí boıynsha 1968 jyly bír mıllıonnan asyp, 1 079 760 adamdy qūrady. 1974 jyly qajylardyń sany alǵash ret 2 mıllıonnan asyp, 2 079 689-ǵa jettí. 2012 jyly qajylyqqa barushylardyń sany alǵash ret 3 mıllıonnan asty.
COVID-19 pandemıyasy kezínde qasıettí saparǵa attanǵandar sany kóp ortaıyp qaldy: 2020 jyly qajylardyń sany nebárí 10 myń bolsa, 2021 jyly – 58 myń, al 2022 jyly besínshí paryzyn ótegender sany 926 062 adamǵa óstí. Pandemıyadan keıín olardyń sany qaıtadan óse bastady jáne ótken jyly (1444 hıjra) qajylyqqa barushylardyń sany 1 845 045 boldy, būl kórsetkísh bıylǵydan sál kóp.