Qazaqstan Respublıkasynyń Densaulyq saqtau mınıstrí Aqmaral Álnazarova men Japonıyanyń QR-daǵy Tótenshe jáne Ókílettí Elshísí Iıdzıma Yasusama Abaı oblysynda medıtsınalyq ınfraqūrylymdy damytuǵa 1,087 mlrd ıen (7 mln AQSh dollary) mólsherínde japon grantyn beru turaly úkímetaralyq kelísímdí ís júzínde íske asyru maqsatynda qūjatqa qol qoıdy.
Granttyq kómek «Semeı medıtsına unıversıtetí» KeAQ unıversıtettík gospıtalíne arnalǵan joǵary tehnologıyalyq medıtsınalyq jabdyqtardy satyp alu úshín íske asyrylatyn bolady. Joba gospıtaldy magnıttík-rezonanstyq tomografty (MRT), kompyuterlík tomografty (KT), endoskopıyalyq, reanımatsıyalyq jáne ózge de joǵary tehnologıyalyq jabdyqty qosa alǵanda, zamanauı dıagnostıkalyq jáne emdeu júıelerímen jaraqtandyrudy kózdeıdí. Būl óńírlík deńgeıde, onyń íshínde yadrolyq synaqtardyń saldarynan zardap shekken patsıentterge arnaıy áleumettík jáne gumanıtarlyq mańyzy bar mamandandyrylǵan jáne joǵary tehnologıyalyq medıtsınalyq kómek kórsetu múmkíndíkterín edáuír keńeıtuge múmkíndík beredí. Būl grantty íske asyru densaulyq saqtau salasyndaǵy tūraqty qazaqstan-japon yntymaqtastyǵynyń bír bólígí boldy. Japonıya densaulyq saqtau júıesín nyǵaıtuǵa, bazalyq medıtsınalyq kómektíń qoljetímdílígín arttyruǵa jáne óńírlík teńsízdíkterdí qysqartuǵa baǵyttalǵan «Shóp tamyry» adam qauípsízdígín qamtamasyz etu jóníndegí óteusíz kómek baǵdarlamasy sheńberínde Qazaqstanǵa qosymsha qoldau kórsetedí. Sonymen qatar, medıtsınalyq bílím beru jáne kadrlar dayarlau salasyndaǵy yntymaqtastyq belsendí damyp keledí. Ózara ís-qımyl JICA jáne Young Leaders' baǵdarlamalary arqyly júzege asyrylady. Semeı medıtsına unıversıtetí Japonıyanyń jetekshí unıversıtetterímen, sonyń íshínde Nagasaki University, Hiroshima University, Oita University, Shimane University jáne Kochi University-ímen áríptestík jasady. Yntymaqtastyq akademıyalyq ūtqyrlyqty, klınıkalyq taǵylymdamany, bírlesken ǵylymı zertteulerdí jáne oqytushylarmen almasudy qamtıdy. Qazaqstannyń farmatsevtıkalyq jáne medıtsınalyq naryqtarynda búgínde dárílík zattardyń 27 atauy jáne japon óndírísíníń 445 medıtsınalyq būıymdary tírkelgen, būl japon tehnologıyalaryna degen senímníń joǵary deńgeıín jáne japon kompanıyalarynyń elde tūraqty boluyn kórsetedí. Būǵan deıín «Shóp tamyry» adam qauípsízdígín qamtamasyz etu boıynsha óteusíz kómek baǵdarlamasy sheńberínde Japonıya Jambyl oblystyq qan ortalyǵyna 6 68,790 AQSh dollary kólemínde grant bólgenín aıta ketken jón. Būl aqshaǵa qan trombotsıtterín saqtauǵa arnalǵan 5 apparat satyp alyndy. Būǵan deıín Japonıya Úkímetí bólgen granttarǵa Semeı qalasyndaǵy jedel járdem auruhanasyna medıtsına qyzmetkerlerín shaqyrtu júıesí satyp alyndy, Akademık N. Batpenov atyndaǵy Ūlttyq travmatologıya jáne ortopedıya ǵylymı ortalyǵynda kompyuterlík tomografıya kabınetí jáne basqalar ashyldy. Klınıkalyq zertteulerdí, jabdyqqa servıstík qyzmet kórsetudí, JICA bílím beru baǵdarlamalaryn jáne jasandy ıntellekt negízínde telemedıtsınalyq sheshímderdí bíríktíre alatyn Japan-Kazakhstan Medical Hub qūru jobasy qarastyryluda. QR Densaulyq saqtau mınıstrlígí Japonıya úkímetíne kórsetken qoldauy, densaulyq saqtau salasyndaǵy ekíjaqty yntymaqtastyqty dáıektí damytqany jáne el halqyna medıtsınalyq kómek júıesín nyǵaıtuǵa qosqan úlesí úshín shyn júrekten alǵysyn bíldíredí. Qazaqstan medıtsınalyq turızm jáne ońaltu, transplantologıya jáne aǵza donorlyǵy, densaulyq saqtaudy tsıfrlandyru, jasandy ıntellekt jáne telemedıtsına, japondyq úlgídegí joǵary tehnologıyalyq medıtsınalyq klınıkalar qūru sıyaqty perspektıvalyq baǵyttar boıynsha Japonıyamen densaulyq saqtau salasyndaǵy yntymaqtastyqty keńeıtuge ashyq.