Almaty qalasynyń bas memlekettik sanıtarlyq dárigeri Jandarbek Bekshın brıfıń barysynda jýrnalıserdiń «Toıǵa barasyz ba?» degen suraǵyna jaýap berdi, dep habarlaıdy almaty-akshamy.kz
Jandarbek Bekshın koronavırýs juqtyrýdan qoryqpaıtynyn aıtty. Óıtkeni ol buryn aýyryp, ekpe alǵan. Bas dáriger soǵan qaramastan toıǵa barmaıtynyn jetkizdi.
«Eger kópshilik jınalatyn is-sharalar týraly aıtatyn bolsaq, vırýs juqtyryp jazylǵanyma, vaksına alǵanyma qaramastan, onda barmaýǵa shaqyramyn. Óıtkeni tasymaldaýshy bolýym múmkin. Iaǵnı aýyrmasam da, ony basqalarǵa tasymaldaýym múmkin. Mysaly, otbasyma. Sondyqtan búginde toılarǵa barýdan bas tartamyn», - dep jaýap berdi ol.
BAQ ókilderi Jandarbek Bekshınnen demalys kúnderin qalaı ótkizetini týraly surady.
«Cenbi kúni men jumystamyn, jeksenbi kúni taza aýada serýendeımin. Senbi-jeksenbi kúnderi bir saǵat ústel tenısin oınaımyn», - dedi Almatynyń bas memlekettik sanıtar dárigeri.