1 qyrkúıekten bastap elímízdíń barlyq bílím beru ūıymdarynda jeke qauípsízdík sabaqtary qaıta bastalady.
Būl sabaqtar balalardyń túrlí ómírlík jaǵdaılarda dūrys áreket etuge qajettí praktıkalyq daǵdylaryn qalyptastyruǵa jáne jeke qauípsízdíkke jauapkershílíkpen qarauyn damytuǵa baǵyttalǵan, dep habarlaıdy aqshamnews.kz.
Sabaqtar balabaqshalardan bastap kolledjderge deıín bílím berudíń barlyq deńgeıín qamtıdy. Ár jas erekshelígíne sáıkes bólek blok ázírlengen:
•balabaqsha — jedel qyzmet nómírlerín bílu, oıyn jáne demalys alańdaryndaǵy qauípsízdík erejelerí;
•bastauysh synyptar — sudaǵy jáne mūzdaǵy qauípsízdík, beıtanys adamdarmen kezdeskende ózín ūstau, qańǵybas ıtterden qorǵanu;
•orta buyn synyptary — bullıng pen kıberbullıng, qauíptí ınternet-áuestenuler, beıtanystardyń ūsynystarynan bas tartu, óz ís-áreketíne jauapkershílíktí qalyptastyru;
•joǵary synyptar men kolledjder — qarjylyq sauattylyq, alayaqtardan qorǵanu, onlaın-oıyndardaǵy táuekelder, eńbek qauípsízdígí, óz qūqyqtary men míndetterín bílu, jeke áreketterí úshín jauapkershílík.
Sabaqtar ár aptada synyp saǵaty ayasynda 10 mınuttan ótkízíledí jáne taqyryptar jylyna úsh ret qaıtalanady.
Baǵdarlamany íske asyru barysynda úsh kezeńdí monıtorıng júrgízíldí. Onyń íshínde pedagogter men psıhologtarǵa arnalǵan keńester men vebınarlar ūıymdastyryldy, sondaı-aq polıtsıya, TJM jáne densaulyq saqtau ókílderí tartyldy. Anketa alu, jobalar, beınerolıkter jáne ózge de ınteraktıvtí ádíster qoldanyldy.
«Tájírıbe kórsetkendeı, mūndaı sabaqtar balalardyń mazasyzdyǵyn tómendetíp, qauípsíz mínez-qūlyq daǵdylaryn qalyptastyrady jáne olardy ómírdegí, onlaın ortadaǵy kúrdelí jaǵdaılarda dūrys áreket etuge úıretedí», – dep atap óttí QR Oqu-aǵartu mınıstrlígí Balalardyń qūqyqtaryn qorǵau komıtetíníń tóraıymy Nasymjan Ospanova.
Eske sala keteıík, jeke qauípsízdík sabaqtary 2023–2025 jyldarǵa arnalǵan balalardy zorlyq-zombylyqtan qorǵau, suıtsıdtíń aldyn alu jáne olardyń qūqyqtary men salamattylyǵyn qamtamasyz etu jóníndegí keshendí jospar ayasynda engízílgen.