Keshe AQSh prezıdentí Donald Tramp Irannyń yadrolyq úsh nysanǵa, atap aıtsaq, Fordo, Natanz jáne Isfahanǵa soqqy jasaǵan edí. Saldarynan Iranda bírneshe adam qaza tauyp, jaraqat aldy. Jelíde Iranda tūratyn qazaq qyzynyń vıdeosy tarady, - dep habarlaıdy aqshamnews.kz tílshísí.
Vıdeo jurnalıst Syrymbek Tóleudíń áleumettík jelídegí paraqshasynda jarıyalandy. Onda qyz Irannyń Kaspıı teńízíne jaqyn qalasynda tūratynyn jáne onda jaǵdaı tūraqty ekenín aıtady.
"Iranda 3 kún ınternet óshírulí boldy. Qazír ǵana qosty. Eshkímge habarlasa almaı, bíraz qınalyp qaldyq. Mūny bankterge hakerler jūmys ístetpeı jatyr eken, būdan basqa halyq dúrlíkpesín dep túsíndírdí. Bízdíń qala Kaspııge jaqyn bolǵan soń tynysh. Basqa úlken qalalardan bízge kelíp jatyr. Halyq kóbeıíp kettí. Eshkím úıden shyǵyp jatqan joq. Uaıymdamańyzdar, bízde bárí jaqsy", - dedí ol.
Eske salaıyq, 22 mausymǵa qaraǵan túní AQSh Iranǵa qarsy operatsıya jasady. AQSh prezıdentí Donald Tramp AQSh áue kúshterí Fordo, Natanze jáne Isfahannyń yadrolyq qondyrǵylaryna soqqy jasaǵanyn habarlady. Pentagon basshysy Pıt Hegset Irannyń yadrolyq baǵdarlamasy joıylǵanyn málímdedí.
Al būǵan deıín Iran Izraılge qarsy zymyran soqqylaryn jíbergen edí. Oǵan qosa Petah-Tıkva jáne Tel-Avıv qalalalaryndaǵy kópqabatty ǵımarattarǵa zymyran soqqysy jasalǵany aıtyldy.