Konfessıyaaralyq jáne dínaralyq dıalogtyń halyqaralyq ortalyǵy janyndaǵy Sezdíń bastamalaryn íske asyru departamentíníń būrynǵy basshysy Qarlyǵash Qalılahanova jáne «Gremmı» júldesín alǵan tūńǵysh qazaqstandyq muzykant Imanbek Zeıkenovke «Qūrmet» ordení, akter Erkebūlan Toqtar «Qazaqstannyń eńbek síńírgen qaıratkerí» ataǵy beríldí, dep habarlaıdy Aqshamnews.kz.
Būl turaly QR Premer-mınıstríníń orynbasary – Mádenıet jáne aqparat mınıstrí Aıda Balaeva jazdy.
«Memleket basshysynyń Jarlyǵymen Respublıka kúníne oraı eldíń ekonomıkalyq jáne qoǵamdyq ómíríníń túrlí salalaryn damytuǵa eleulí úles qosqan bírqatar azamattar marapattaldy. Olardyń keıbírí marapat tabystalar sátte elímízden tys jerde bolǵandyqtan, nagradalaryn uaqytynda ala almady.
Búgín osy qūrmettí nagradalardy óz otandastarymyzǵa tabystau men úshín aıryqsha mártebe boldy. «Qūrmet» ordenímen Konfessıyaaralyq jáne dínaralyq dıalogtyń halyqaralyq ortalyǵy janyndaǵy Sezdíń bastamalaryn íske asyru departamentíníń būrynǵy basshysy Qarlyǵash Qalılahanova jáne «Gremmı» júldesín alǵan tūńǵysh qazaqstandyq muzykant Imanbek Zeıkenov marapattaldy. Al, Erkebūlan Toqtar «Qazaqstannyń eńbek síńírgen qaıratkerí» ataǵyna ıe boldy.
Barshańyzdy shyn júrekten qūttyqtaımyn! Igílíktí joldaǵy qajyrly eńbekteríńíz úshín alǵys bíldíremín», - dep jazdy mınıstr.