Qazaqstanda energetıka máselesi jyldan jylǵa ózekti bola túsýde. Qazirgi ýaqytta elimizdiń elektr energıasyna degen suranysy turaqty túrde artyp keledi.
AES salý – Qazaqstan úshin strategıalyq turǵydan durys qadam bolmaq, sebebi bul energetıkalyq táýelsizdikke qol jetkizýge, sondaı-aq, ekonomıkalyq damýǵa jol ashýǵa septigin tıgizedi. Sonymen qatar, AES ekologıalyq jaǵynan da tıimdi energıa kózi bolyp tabylady, óıtkeni parnıktik gazdardyń shyǵaryndylary azaıady.
AES qurylysy barysynda qaýipsizdik máselesi asa mańyzdy bolyp sanalady. Qazirgi zamanǵy atom elektr stansıalary kópdeńgeıli qaýipsizdik júıelerimen jabdyqtalǵan jáne halyqaralyq standarttarǵa tolyq saı keledi. AES qaýipsizdigi halyqaralyq talaptarǵa, atap aıtqanda, MAGATE-niń (Atom energıasy jónindegi halyqaralyq agenttik) standarttaryna sáıkes qatań baqylaýda bolady.
Atom energetıkasyn damytý máselesi elimizde tek qana elektr qýatyn óndirýmen shektelmeıdi. Bul jobaǵa arnaıy mamandardy daıyndaý qajet. Qazaqstanda osy salada joǵary bilikti mamandardy daıarlaýǵa arnalǵan ǵylymı bazalar men oqý oryndary bar. Sonyń biri — Iadrolyq fızıka ınstıtýty, ol ǵylymı-zertteý jumystaryn júrgizip qana qoımaı, bolashaq mamandardy daıarlaýda jetekshi ról atqarady.
Atom energetıkasy salasynda jumys isteý úshin tek teorıalyq bilim ǵana emes, tájirıbe de asa mańyzdy. Osyǵan oraı, elimizde ıadrolyq fızıka boıynsha mamandardy daıarlaý úderisi qaıta qaralyp, halyqaralyq standarttarǵa saı bilim berý baǵdarlamalary ázirlenip jatyr. Qazaqstannyń biregeı ǵylymı-zertteý ortalyqtary men tájirıbeli kadrlar daıyndalýda, sonymen qatar sheteldik oqý oryndarymen tyǵyz baılanys ornatylyp, yntymaqtastyq keńeıýde.
AES salasy tehnologıalyq turǵydan óte kúrdeli bolǵandyqtan, bilikti kadrlar qajet. Qazirgi ýaqytta Qazaqstanda joǵary oqý oryndary men ǵylymı ortalyqtar atom energetıkasy mamandaryn daıarlaýǵa úlken kóńil bólýde. Ásirese, ıadrolyq fızıka men ınjenerıa salasyndaǵy mamandarǵa suranys artyp keledi. Bul baǵytta Qazaqstandyq stýdentter sheteldik oqý oryndarynda da bilim alýda, olar álemdik deńgeıdegi zamanaýı tájirıbelerdi meńgerip, elge oralady dep senemiz.