Almatynyń Medeu audanynda «Halyq qatysatyn byudjet» baǵdarlamasy ayasynda jer bederí kúrdelí uchaskelerdegí júrgínshí baǵyttary kóríktendíríldí, dep habarlaıdy aqshamnews.kz tílshísí.
Jer bederíníń erekshelígí eskerílíp, tūrǵyndardyń qauípsíz árí qolaıly júríp-tūruyna erekshe nazar audaryldy. Bıíktík deńgeıí árkelkí aumaqtardaǵy ózdígínen paıda bolǵan soqpaqtardyń ornyna kórkeıtílgen baspaldaqtar salyndy.
Jańa baspaldaqtar Sūlusaı shaǵynaudanynda, ál-Farabı dańǵylynda jáne Roza Baǵlanova kóshesínde ornatyldy. Atap aıtqanda, Sūlusaı shaǵynaudanynda ūzyndyǵy 120 metr metall baspaldaq salyndy, ál-Farabı dańǵylynda ekí jaǵynan jalpy ūzyndyǵy 200 metr bolatyn baspaldaqtar ornatyldy, al Roza Baǵlanova kóshesínde shamamen 40 metr baspaldaq jasaldy.
Sonymen qatar joba ayasynda Shyǵys aınalma avtomobıl jolynyń boıyndaǵy jáne Shyǵys aınalma avtomobıl joly men Dıvaev kóshesíníń qıylysyndaǵy qoldanystaǵy baspaldaqtar jóndeldí.
Barlyq jūmys ayaqtaldy. Kórkeıtílgen baspaldaqtar Medeu audany tūrǵyndarynyń kúndelíktí júríp-tūruyn, ásírese bıíktík aıyrmasy aıqyn uchaskelerde, barynsha qolaıly árí qauípsíz etedí.
Jalpy Medeu audanynda «Halyq qatysatyn byudjet» jobasyn íske asyru ayasynda qalalyq ortany kóríktendíru men damytuǵa baǵyttalǵan 30 joba qarastyrylǵan. Onyń íshínde avtomatty suaru júıesín ornatu arqyly kógaldandyru boıynsha 16 joba, qoǵamdyq keńístíkterdí kórkeıtu boıynsha 8 joba jáne aula aumaqtaryn jóndeu boıynsha 6 joba bar.