Janjaldy jaǵdaılardy anyqtau men aldyn aluǵa erekshe nazar audarylady, dep habarlaıdy aqshamnews.kz tílshísí.
Jastar ortasynda studentterdíń qauípsízdígín qamtamasyz etu sharalaryn kúsheıtu maqsatynda Qazaqstan Respublıkasy Ǵylym jáne joǵary bílím mınıstrlígí ál-Farabı atyndaǵy Qazaq ūlttyq unıversıtetíne keshendí tekseru júrgízedí.
QazŪU-ǵa monıtorıngtík top jíberíledí. Top studentterdíń qauípsízdígín qamtamasyz etu, ómírí men densaulyǵyn qorǵau bólígínde zańnama men íshkí qūjattar talaptarynyń saqtaluyn zerdeleıdí, sondaı-aq tárbıe, áleumettík-psıhologıyalyq jáne profılaktıkalyq jūmystardyń tıímdílígín baǵalaıdy.
Janjaldy jaǵdaılardy anyqtau men aldyn aludyń, studentterdíń ótíníshteríne uaqtyly den qoyudyń jáne olarǵa psıhologıyalyq kómek kórsetudíń qoldanystaǵy tetíkteríne erekshe nazar audarylady.
Tekseru qorytyndysy boıynsha studenttík ortada qauípsízdíktí arttyru jáne profılaktıka júıesín jetíldíru jónínde qosymsha sharalar ázírlenedí.