Kezdesude kommunaldyq qyzmet sapasy, jylu men elektr energıyasymen qamtu, aulalardy abattandyru jáne qauípsízdík máselelerí kóteríldí, dep habarlaıdy aqshamnews.kz tílshísí.
Almaty qalasynyń ákímí Darhan Satybaldy Túrksíb audanyna jūmys sapary kezínde «Altyn Sıtı» jáne «Na Kassına» tūrǵyn úı keshenderíníń tūrǵyndarymen kezdestí. Kezdesude kommunaldyq qyzmet sapasy, jylu men elektr energıyasymen qamtu, aulalardy abattandyru jáne qauípsízdík máselelerí kóteríldí.
«Altyn Sıtı» tūrǵyn úı kesheníníń tūrǵyndary kommunaldyq qyzmetterdíń jūmysyna, aumaqty jaryqtandyru men kógaldandyruǵa qatysty shaǵymdaryn jetkízdí. Olardyń ótíníshterín tyńdaǵan qala ákímí qūrylys salushy kompanıyaǵa anyqtalǵan kemshílíkterdí joyudy jáne tūrǵyndar aldyndaǵy míndettemelerín tolyq oryndaudy tapsyrdy.
"Qūrylys salushy kompanıyaǵa anyqtalǵan kemshílíkterdí joıyp, tūrǵyndar aldyndaǵy míndettemelerín oryndaudy tapsyrdym. Būl jaıttar tolyq sheshílgenge deıín kompanıyanyń Almatydaǵy jańa qūrylys jobalary erekshe baqylauda bolady", – dedí qala ákímí.

«Na Kassına» tūrǵyn úı keshenínde negízgí máselelerdíń bírí – qazandyqtyń jūmysy. Būdan bólek, tūrǵyndar ınjenerlík jelílerdí kommunaldyq menshíkke ótkízu jáne keshenge írgeles aumaqty abattandyru máselelerín kóterdí.
Atalǵan máseleler tūrǵyndardyń kúndelíktí tūrmysyna tíkeleı áser etedí. Ásírese jylu júıesíníń tūraqty jūmys ísteuí men ınjenerlík jelílerdíń jauapty ūıymdardyń qarauyna beríluí mańyzdy.
"Kezdesuler sońynda tıístí basqarmalar men audan ákímdígíne jauapty ūıymdarmen bírlesíp, qajettí shara qabyldaudy tapsyrdym. Árbír ótínísh boıynsha naqty oryndau merzímí belgílendí. Tapsyrmalardyń oryndaluyn baqylauyma alamyn", – dep sendírdí Darhan Satybaldy.
Osylaısha, «Altyn Sıtı» jáne «Na Kassına» tūrǵyn úı keshenderíndegí kommunaldyq jáne ınfraqūrylymdyq máselelerdí sheshu qala bılígíníń baqylauynda bolady.