Qaladaǵy zıyandy shyǵaryndylardyń jalpy kólemí shamamen 189 myń tonna, dep habarlaıdy aqshamnews.kz tílshísí.
Almatydaǵy zıyandy zattar shyǵaryndylarynyń jyldyq kólemíníń shamamen 60 paıyzy avtokólíkke tıesílí. Būl jylyna 113 myń tonnaǵa juyq zıyandy zat degen sóz. Degenmen auany kólík qana lastamaıdy. Būl turaly Almaty qalasy Ekologıya jáne qorshaǵan orta basqarmasynyń ókílderí habarlady.
Qaladaǵy zıyandy shyǵaryndylardyń jalpy kólemí shamamen 189 myń tonna. Onyń basym bólígí avtokólíkke tıesílí.
Auanyń lastanuyna kómír jáne otynmen jylytylatyn jeke tūrǵyn úıler de áser etedí. Sondaı-aq qatty jáne sūıyq otyn paıdalanatyn nysandardan, sonyń íshínde monshalar men qoǵamdyq tamaqtanu oryndarynan, ásírese káuaphanalardan shyǵatyn tútín de auany lastaıdy.
Almatynyń tabıǵı erekshelíkterí de aua sapasyna áser etedí. Qala Íle Alatauynyń bókterínde ornalasqan. Qysta, ásírese jelsíz kúnderí, temperaturalyq ınversıya qūbylysy baıqalady. Yaǵnı, jyly aua qabaty zıyandy shyǵaryndylardyń joǵary qaraı taraluyna kedergí keltíredí. Sonyń saldarynan lastaushy zattar atmosferanyń tómengí qabatynda jınalyp qalady.
Almatydaǵy aua sapasyn jaqsartu úshín ekologıyalyq talaptardy kezeń-kezeńímen engízu kózdelgen. Atap aıtqanda, 2025 jyly 30 jeltoqsanda bekítílgen Atmosferalyq auany qorǵau qaǵıdalary lastaıtyn statsıonarlyq kózderge baqylaudy kúsheıtudí, gaz tazartu qondyrǵylaryn paıdalanudy, sondaı-aq gaz tartylǵan audandarda qatty jáne sūıyq otyn jaǵudy shekteudí qarastyrady.
Kólíkten shyǵatyn zıyandy zattardy azaıtu da mańyzdy baǵyttardyń bírí. Qalada avtobus parkín jańartu jūmystary jalǵasyp, qoǵamdyq kólíkke arnalǵan arnaıy jolaqtar jelísí keńeıíp keledí. Būl sharalar tūrǵyndardyń jeke avtokólíktíń ornyna qoǵamdyq kólíktí paıdalanuǵa jaǵdaı jasauǵa baǵyttalǵan.
Būdan bólek, bıyl sáuír aıynan bastap Almatyda shyǵaryndylary tómen aımaqty (LEZ) engízu boıynsha pılottyq joba júzege asyrylyp jatyr. Jobanyń synaq kezeńínde oǵan qatysu eríktí túrde júrgízíledí. Kíru úshín aqy alynbaıdy, aıyppūl salynbaıdy jáne kólík qozǵalysyna shekteu qoıylmaıdy. Joba ayasynda bolashaqta avtokólíkterge qoıylatyn ekologıyalyq talaptardy engízu tetíkterí synaqtan ótkízíledí.
Auanyń lastanuyn azaıtu jūmystary kólík salasyn ǵana emes, otyn paıdalanatyn jáne atmosferaǵa zıyandy zattar shyǵaratyn basqa da nysandardy qamtıdy.