Halyqaralyq World Boxing federatsıyasy 2026 jylǵy 1 qańtardan bastap óz jarystaryna qatysatyn 18 jastan asqan er sportshylarǵa míndettí jynystyq (sex) tekseru talabyn engízdí, dep habarlaıdy Aqshamnews.kz.
Ūıymnyń resmı málímetínshe, jańa ereje World Boxing ótkízetín nemese sanktsıyalaıtyn barlyq turnırlerge qoldanylady. Endí 18 jastan asqan er boksshylar jarysqa qatysu úshín PTsR (PCR) nemese soǵan teńestírílgen medıtsınalyq-genetıkalyq tekseruden ótuí tıís. Tekserístíń maqsaty – sportshynyń tuǵan kezdegí jynysyn aıqyndau jáne tıístí sanatta jarysqa qatysu qūqyǵyn rastau.
World Boxing būǵan deıín áıelder sanatynda da osyndaı talap engízílgenín eske saldy. Míndettí testíleu 2025 jylǵy tamyzda Lıverpulde ótken álem chempıonaty qarsańynda qoldanysqa engízílgen.
Būl sheshím sporttaǵy ádíl báseke men qauípsízdík máselesíne qatysty talqylar kúsheıgen tūsta qabyldandy. Atap aıtqanda, 2024 jylǵy Parıj Olımpıadasynan keıín aljırlík Iman Helıf pen taıvandyq Lın Yuıtındíń tóńíregínde testosteron deńgeıí men sáıkestík talaptaryna baılanysty daular bolǵan.
Aıta keteıík, 2025 jylǵy qarashada World Boxing prezıdentí bolyp qazaqstandyq boksshy Gennadıı Golovkın saılandy. Sarapshylar jańa erejelerdí ūıymdaǵy reformalardyń bír bólígí retínde baǵalap, onyń negízgí maqsaty – boksta ádíl báseke qaǵıdalaryn kúsheıtu ekenín aıtady.