QMA Almaty qalasy boıynsha departamentí «Warner Bros» qarjy pıramıdasyn qūru jáne ony basqaru faktísí boıynsha tergeudí ayaqtady.
Qarjy pıramıdasynyń ūıymdastyrushylary azamattardy joǵary tabys uádesímen ınvestıtsıya saluǵa úgíttegen.
Jobaǵa zańdy kórínís beruí úshín osy íske esh qatysy joq tanymal gollıvudtyq kompanıyasynyń atauyn paıdalanǵan. Qatysushylarǵa fılm treılerlerín qarau jáne jańa salymshylardy tartu arqyly tabys tabu ūsynylǵan.
Joba 9 deńgeıden tūrǵan, ortasha salym mólsherí 225 myń teńge, tólemder tek USDT krıptovalyutasynda qabyldanǵan.
Shemany ílgeríletu úshín áleumettík jelíler men messendjerler belsendí qoldanylǵan. Admınıstratorlar arnaıy chattar qūryp, oqytu júrgízíp, nūsqaulyqtar men beınerolıkter taratqan, jyldam tabys pen krıptovalyuta túrínde syıaqy uáde etken.
Tergeu barysynda salymshylardan jınalǵan jáne audarylǵan qarajatty saqtau úshín paıdalanylǵan krıptoámıyandar anyqtaldy.
Sot sanktsıyasymen jalpy somasy 3,8 mln USDT kólemíndegí krıptoaktıvterge tyıym salyndy.
Sot úkímímen ūıymdastyrushyǵa 5 jyl bas bostandyǵynan aıyru jazasy taǵaıyndaldy.
Sonymen qatar, sot 40 jábírlenushíníń azamattyq talaptaryn qanaǵattandyryp, olardyń zalaly tyıym salynǵan krıptoaktıvter esebínen óteletín boldy.
Úkím zańdy kúshíne engen joq.
