G20 elderiniń úkimet basshylary men kóshbasshylary salyq salymy boıynsha ortaq erejelerdi bekitti
Rımdegi samıtke qatysýshylar, atap aıtqanda, jahandyq korporasıalar tabysyna salynatyn salyqty kem degende 15 paıyz etýdi kózdeıtin jobany qoldady. Vashıngton bul salyq jeńildikteri boıynsha bastamalardy doǵarýdyń basy bolady dep sanaıdy, dep habarlaıdy Almaty-akshamy.kz Zakon.kz-ke silteme jasap.
Samıt óz qatysýshylaryn álemniń kedeı elderin qosymsha vaksınamen qamtamasyz etýge shaqyrýmen bastaldy.
«Biz Dúnıejúzilik densaýlyq saqtaý uıymy alǵa qoıǵandaı, 2021 jyldyń sońyna qaraı álem halqynyń 40% vaksınalaý maqsatyn ıgerýge jaqyndap qaldyq. Biz qazir 2022 jyldyń ortasyna qaraı 70%-ǵa jetý úshin bar kúshimizdi salýymyz kerek», - dedi Italıa premer-mınıstri Marıo Dragı.
Qytaı Halyq Respýblıkasy men Reseı prezıdentteri Sı Szınpın men Vladımır Pýtın beınebaılanys arqyly álem qaýymdastyǵyn COVID-19-ǵa qarsy ártúrli vaksınalardy ózara jaramdylyǵyn moıyndaý týraly kelisimge kelýge shaqyrdy.
Pýtınniń málimdemesi "Sputnik V" vaksınasyn DDU men Eýropalyq dári-dármek agenttiginde tirkeý máselesi uzaqqa sozylyp jatqan kezde jasaldy.
Aqparat agenttikteri klımat boıynsha kelissózder áldeqaıda qıyn bolǵanyn atap ótti. Qorytyndy qujatta, aldyn ala málimetter boıynsha, Jerdegi ortasha jyldyq temperatýranyń 1,5 gradýstan astam artýyna jol bermeý boıynsha jalpy usynystar bolady. Kómirtegi beıtaraptyǵy boıynsha naqty mindettemeler men merzimderdi kelisý kezinde qıyndyqtar týyndady.