FlyArystan jáne Almaty Marathon kúzgi júgirý maýsymynda áriptestigin jalǵastyrady

  • 16:23, 21 tamyz 2025
FlyArystan jáne Almaty Marathon kúzgi júgirý maýsymynda áriptestigin jalǵastyrady FlyArystan áýekompanıasy usynǵan sýret

Qazaqstandyq loýkoster FlyArystan eldegi eń iri júgirý jobasy – Almaty Marathon-men seriktestigin jalǵastyrýda. 28 qyrkúıekte Almatyda ótetin Almaty Marathon jáne 26 qazanda Túrkistanda ótetin Turkistan Marathon – kúzgi marafondar qarsańynda áýekompanıa qatysýshylarǵa promokodtar boıynsha áýebıletterine 30% arnaıy jeńildik týraly eske salady.

«Júgirý qozǵalysyn qoldaý – FlyArystan-nyń korporatıvtik áleýmettik jaýapkershilik aıasyndaǵy salaýatty ómir saltyn nasıhattaý strategıasynyń bir bóligi. Biz Almaty Marathon-men seriktestikti jalǵastyryp, qatysýshylarǵa sporttyq sharalarǵa saparyn yńǵaıly ári tıimdi etýge qýanyshtymyz. Júgirý adamdardy biriktiredi, qozǵalysqa jáne damýǵa shabyttandyrady, al bizdiń mindetimiz – ózge qalalardan keletin qatysýshylarǵa startqa jetýdiń qoljetimdi ári yńǵaıly jolyn usyný», - dedi «FlyArystan» AQ prezıdenti Rıchard Ledjer. 

Jeńildik marafon ótetin qalalarǵa/qalalardan oryndalatyn áýe saparlaryna naýqan sharttaryna sáıkes kúnderde qoldanylady. Ol FlyArystan-nyń Qazaqstan boıynsha tikeleı jáne toǵysý reısterine jaramdy. Sapar kúnderi marafonǵa deıingi nemese keıingi eki kúndi qamtýy tıis.

Promokodpen bıletterdi áýekompanıasynyń www.flyarystan.com resmı saıty arqyly satyp alýǵa bolady. Kodty tólem aldyndaǵy sońǵy bette avtomatty túrde paıda bolatyn arnaıy jolaqqa engizý qajet.

Júgirýge tirkelgennen keıin qatysýshylar promokodty Almaty Marathon uıymdastyrýshylarynan alady. Promokod bir rettik jáne tek bir áýebıletin standartty tarıf boıynsha* (jınaqtar men alymdar esepke alynbaıdy) satyp alýǵa qoldanylady. Osyǵan baılanysty sapardy josparlap, bıletti birden eki baǵytqa alý usynylady.

FlyArystan-nyń standartty “Tıimdi” tarıfine salmaǵy 5 kg-ǵa deıingi (ólshemi 56×23×36 sm) bir qol júgi jáne borttaǵy kezdeısoq oryn kiredi. Árbir start aldyndaǵy kezeńde qatysýshylar arasynda FlyArystan áýebıletteri oınatylady.

FlyArystan týraly: 

FlyArystan – Air Astana tobynyń 100% enshiles kompanıasy bolyp tabylatyn qazaqstandyq loýkoster. Ol óz qyzmetin 2019 jyldyń mamyr aıynda bastady. 2025 jyldyń qańtar aıynan bastap FlyArystan óz sertıfıkatymen, FS kody boıynsha táýelsiz áýekompanıa retinde qyzmet kórsetýde. Áýekompanıa Almaty, Astana jáne Aqtaý qalalarynda ornalasqan bazalaryndaǵy zamanaýı A320 ushaqtarynan quralǵan áýe parkimen keń aýqymdy marshrýttar jelisi boıynsha reıster oryndaıdy. FlyArystan marshrýttar jelisi ishki jáne halyqaralyq reısterdi, sondaı-aq charterlik baǵyttardy qamtıdy. FlyArystan 2023, 2024 jáne 2025 jyldary úsh ret Skytrax World Airline Awards tarapynan Ortalyq Azıa jáne TMD-nyń eń úzdik búdjettik áýekompanıasy dep tanyldy.

«Birinshi bolý – batyldyq» korporatıvtik qory týraly:

«Birinshi bolý – batyldyq» qory – Ortalyq Azıadaǵy eń iri júgirý sharalarynyń uıymdastyrýshysy. Qor óz qyzmetin 2012 jyly óńirdegi alǵashqy aýqymdy marafon bolyp, júgirý qozǵalysynyń damýyna negiz salǵan Almaty Marathon-dy uıymdastyrýdan bastaldy. Ýaqyt óte kele marafon halyqaralyq deńgeıge kóterilip, búkil álemnen myńdaǵan qatysýshylardy tartatyn sharaǵa aınaldy. Búginde qor jyl saıyn Almaty Marathon, Almaty Half Marathon, Astana Half Marathon jáne Turkistan Marathon-dy qosa alǵanda onǵa jýyq júgirý jarystaryn  uıymdastyrady. Bul jarystarǵa jyl saıyn 62 el jáne 418 qaladan shamamen 40 000-ǵa jýyq adam qatysady.

 

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

22:51

22:11

18:46

18:14

17:57

17:51

17:34

17:34

17:34

16:44

16:43

16:36

16:07

16:06

15:56

15:29

15:00

14:45

14:43

14:38

13:31

13:03

12:49

12:00

11:24