Jetísu audanynyń "Gúlder" sayabaǵynda audan ákímdígíníń ūıymdastyruymen saudagerler men fermerlerdí bír alańda toǵystyrǵan mausymdyq jármeńke ashyldy.
Audan tūrǵyndary audandaǵy alǵashqy jármeńkeníń ashyluyna dán rıza. Demalys saıyn osyndaı jármeńke ūıymdastyrylyp, azyq-túlík baǵalary osy deńgeıde bolsa dep tílek aıtuda.
"Almaty" Áleumettík kásípkerlík korporatsıyasy megopolıstegí jármeńkelerge jergílíktí fermerlerdń ónímderín qoljetímdí baǵada jetkízuíne jaǵdaı jasauda.
Alyp shahardyń barlyq audandarynda jármeńke mausymy bastalyp jatyr.
Qala halqy óz audandarynda qol jetímdí baǵalarda azyq-túlík ala alady.
Mūndaı jármeńkeníń basty maqsaty – qala tūrǵyndaryn qoljetímdí baǵamen, jańa ónímmen qamtyp qana qoımaı, ártúrlí sanattaǵy kásípkerler úshín teń múmkíndík qalyptastyru. Áleumettík mańyzy bar azyq-túlík tauarlary mūnda bazardaǵy baǵadan shamamen 15%-ǵa arzan. Sonymen bírge óním sapasyna qatań talap qoıylyp, sanıtarlyq normalar tolyq saqtalady.
Bíz kóshe saudasymen zańsyz aınalysyp júrgenderdí ashyq alańǵa, qūqyqtyq óríske shaqyramyz. Olar tıístí keńes alyp, mártebesín zańdastyryp, qauípsíz árí jaıly jaǵdaıda eńbek etse deımíz. Mūndaı ıntegratsıya, bír jaǵynan, tūrǵyndarǵa sapaly ónímdí arzanyraq aluǵa jol ashsa, ekínshí jaǵynan, kásípkerlerdíń adal árí ashyq damuyna múmkíndík beredí, – dedí Jetísu audandyq ákímdígí Ónerkásíp jáne saudany damytu bólímíníń basshysy Samal Nūrjanova.