Áńgíme eń aldymen balanyń ósuín tejeıtín, júıke, tynys alu jáne ımmun júıesín būzatyn hımıkattar jónínde bolyp otyr. Balalar oınaıtyn zattardyń qūramyndaǵy keıbír hımıyalyq zattar adamnyń ūrpaq órbítu (fertilis) qabíletíne zıyan.
Jańa ereje boıynsha eń aldymen oıynshyq jasaǵanda qoldanuǵa tyıym salynatyn hımıyalyq zattar: PFAS jáne CMR toby.
PFAS degenímíz – sıntetıkaly ftororganıka qosylystarynyń toby. Olardy balalar ūstamaıtyn zattarda ǵana qoldanu kerek.
Al CMR tobyndaǵy hımıkattyń qūramynda kantserogen (qaterlí ísík tuǵyzatyn), mutagendí jáne jynystyq júıe úshín uly zattar bar.
Sarapshylardyń píkírínshe, būl hımıkattar balanyń ósuín, gormon júıesí men kognıtıvtí damuyn būzady, eseıgen kezde ūryq sapasyn tómendetedí.
Būl sheshím ınternet arqyly satylatyn ónímderge de tyıym salady. Bala ómíríníń qauípsízdígíne qatysty ereje Europarlament pen EO elderí úkímetterí maqūldaǵan soń kúshíne enedí.
«EO-nyń oıynshyqtar qauípsízdígí turaly erejesí – álemdegí eń qatal ereje, bíraq bíz qauíp-qaterdíń aldyn aluǵa tıíspíz», – dedí Polshanyń damu jáne tehnologıya mınıstrí Kshıshtof Pashık.
Bízdíń bazarlar men dúkenderde satylyp jatqan oıynshyqtardyń hımıyalyq qūramy tekseríle me eken?