Almatyda «Zań men tártíp» ıdeologemasy ayasynda esírtkí qūraldarynyń zańsyz jarnamasyn anyqtauǵa jáne joyuǵa baǵyttalǵan «Esírtkísíz Qazaqstan» auqymdy esírtkíge qarsy aktsıyasy óttí, – dep habarlaıdy aqshamnews.kz tílshísí.
Ís-sharany Almaty qalasy Jastar sayasaty basqarmasy Almaty qalasy Polıtsıya departamentímen bírlesíp ūıymdastyrdy.
Aktsıyaǵa 200-ge juyq adam — jas belsendíler, «Ádílet jastar odaǵy» jastar qozǵalysynyń ókílderí, «Esirtkisiz Almaty» profılaktıkalyq front-ofısíníń belsendílerí, volonterler, jastar komyunıtı-ortalyqtarynyń rezıdentterí, polıtsıya qyzmetkerlerí, ákímdík jáne prokuratura organdarynyń ókílderí qatysty.
Qatysushylar bírneshe topqa bólíníp, qoǵamdyq oryndarǵa, aulalarǵa jáne qalanyń basqa da aumaqtaryna monıtorıng júrgízdí. Esírtkí qūraldaryn zańsyz taratuǵa baılanysty ınternet-resurstarǵa síltemelerí bar jazular men graffıtılerdí anyqtauǵa erekshe nazar audaryldy.
Aktsıya qorytyndysy boıynsha esírtkí jarnamasy bar 120-dan astam jazu anyqtalyp, boyalyp joıyldy. Sonymen qatar anyqtalǵan kúmándí ınternet-resurstar turaly aqparat odan árí tekseru jáne tıístí sharalar qabyldau úshín qūzyrly organdarǵa joldandy.
«Mūndaı jazular — qalanyń syrtqy kelbetín būzatyn jaı ǵana kórínís emes. Onyń artynda, ásírese jastar úshín, naqty qauíp tūr. Sondyqtan būl máselege beıjaı qaramaı, jastardyń ózín profılaktıkalyq jūmystarǵa tartu mańyzdy. Bízdíń míndetímíz — mūndaı jarnamalardy joyumen ǵana shektelmeı, esírtkí men ony taratuǵa qauípsíz qalalyq ortada oryn joq ekenín naqty túsíndíru», — dedí Almaty qalasy Polıtsıya departamentí Esírtkí qylmysyna qarsy ís-qımyl basqarmasynyń asa mańyzdy íster jóníndegí aǵa jedel uákílí Dauren Asqarūly Kóbeev.
Ís-sharanyń negízgí maqsaty — jastar arasynda esírtkí qylmysyna múldem tózbeushílík qaǵıdatyn qalyptastyru, qūqyqtyq mádenıettí arttyru jáne jas almatylyqtardy qauípsíz qalalyq ortany qalyptastyruǵa tartu.
«Bíz úshín jastardyń syrttan baqylaushy bolyp qalmaı, qaladaǵy ózektí máselelerdí sheshuge tíkeleı atsalysuy mańyzdy. Búgín jastar memlekettík jáne qūqyq qorǵau organdarynyń ókílderímen bírge kóshelerge shyǵyp, esírtkí jarnamasyna qarsy kúreske óz úlesterín qosty. Osyndaı aktsıyalar óz audany men qalasynyń qauípsízdígíne degen jeke jauapkershílíktí qalyptastyrady», — dedí «Ádílet jastar odaǵy» jastar qozǵalysynyń tóraǵasy Tūrlan Erbolat.
«Zań men tártíp» qaǵıdaty ayasynda Almatyda jastar arasynda profılaktıkalyq jūmystar júıelí túrde júrgízílude. Jyl basynan berí jastardyń qūqyqtyq sauattylyǵyn arttyruǵa jáne qūqyq būzushylyqtardyń aldyn aluǵa baǵyttalǵan 150-den astam ís-shara ótkízíldí. Esírtkíníń taraluyna qarsy ís-qımylǵa erekshe kóńíl bólínude: «NarkoSTOP» jobasy ayasynda 110-nan astam ís-shara ótkízílíp, 18 myńnan astam jas qamtyldy.
Sondaı-aq jastar belsendílerí men beıíndí qyzmetterdíń bírlesken jūmysy nátıjesínde esírtkí jarnamasy bar 7,5 myńǵa juyq graffıtı joıylyp, 360-tan astam ınternet-resurs anyqtalyp, būǵattauǵa joldandy.
Mūndaı ís-sharalar jastardy esírtkí qylmysynyń aldyn alu jūmystaryna tartuǵa jáne qalalyq ortanyń qauípsízdígíne jauapkershílíkpen qaraudy qalyptastyruǵa yqpal etedí. Almatyda zańsyz esírtkí jarnamalaryn anyqtau jáne joyu jūmystary jalǵasatyn bolady.