Kezdesu áskerı bólímníń saptyq alańynda bastaldy, dep habarlaıdy aqshamnews.kz tílshísí.
Almatyda Qazaqstan Respublıkasy Ūlttyq ūlanynyń Keńes Odaǵynyń Batyry, gvardıya polkovnıgí Bauyrjan Momyshūly atyndaǵy 5571 áskerı bólímínde «Ūlttyq ūlan – patrıotızm men batyldyq mektebí» aktsıyasy ayasynda «Erlík – elge mūra, ūrpaqqa ónege» taqyrybynda Erlík sabaǵy óttí.
Taǵylymdy sharaǵa №156 jalpy bílím beretín mekteptíń «Jas búrkít» sporttyq, áskerı-patrıottyq synybynyń oqushylary, №210 mektep-lıtseıíníń, №166, №205 jáne №149 jalpy bílím beretín mektepterdíń oqushylary, Prıntmedıa tehnologıya kolledjíníń studentterí men «Jas búrkít» áskerı-patrıottyq klubynyń tárbıelenushílerí qatysty.
Kezdesu áskerı bólímníń saptyq alańynda bastaldy. Oqushylar bólímníń kúndelíktí tynys-tírshílígímen tanysyp, áskerı tehnıka men qaru-jaraq úlgílerín kórdí. Sondaı-aq sarbazdardyń tūrmys jaǵdaıy, áskerı baılanys jáne radıatsıyalyq, hımıyalyq, bıologıyalyq qorǵanys qūraldarynyń qyzmetí turaly aqparat aldy.
Sharanyń negízgí bólígí mádenı-demalys ortalyǵynda jalǵasty. Áskerı bólímníń Ardagerler keńesíníń tóraǵasy, zapastaǵy maıor Berík Almaǵanbetov jastardy Otandy súyuge, elge adal qyzmet etuge, ūlttyq qūndylyqtardy qūrmetteuge jáne ata-baba amanatyna berík boluǵa shaqyrdy.
Mádenı-demalys ortalyǵynyń bastyǵy kapıtan Jasūlan Quanysh «El qorǵaǵan erlerdíń erlígí» taqyrybynda patrıottyq tárbıe saǵatyn ótkízíp, Otan qorǵaushylardyń erlígí, azamattyq jauapkershílík pen elge qyzmet etudíń mańyzyna toqtaldy.
Erlík sabaǵynda oqushylarǵa Ūlttyq ūlannyń jauyngerlík qyzmetí, maıor J. Bayanbaev, maıor E. Otarbaev jáne aǵa serjant Ó. Májıttíń erlígí men qyzmet joly turaly beınerolıkter kórsetíldí.
Jastarǵa kásíbı baǵdar beru maqsatynda Qazaqstan Respublıkasy Ūlttyq ūlany Akademıyasy turaly derektí fılm ūsynylyp, áskerı joǵary oqu ornyna túsu tártíbí, áskerı mamandyqtar jáne Ūlttyq ūlan qataryndaǵy qyzmettíń múmkíndíkterí túsíndíríldí.
Shara kontserttík baǵdarlamamen jalǵasty. №156 mekteptíń oqushylary Aıaru Teljan, Nūrhat Arystanbek jáne Dılyar Asanov Otan men áskerı qyzmet taqyrybyndaǵy óleńderín oqydy. Efreıtor Nūrlan Sqataev «Jasa, qazaǵym!» ánín oryndasa, qatardaǵy jauynger Azız Temírbek qazaq kúılerínen popurrı ūsyndy.
Kezdesu sońynda áskerı bólím komandırí patrıottyq tárbıe jūmystaryna belsendí atsalysqan ūstazdar men oqushylardy Alǵys hattarmen marapattady.
«Ūlttyq ūlan – patrıotızm men batyldyq mektebí» aktsıyasy ayasyndaǵy kezdesu jasóspírímderdíń áskerı qyzmet turaly tanymyn keńeıtíp, olardyń boıynda otansúıgíshtík, tártíp, jauapkershílík jáne elge qyzmet etu qūndylyqtaryn qalyptastyruǵa baǵyttaldy.