Bul marapattar daryndy jastardyń tabystary men jetistikterin dáriptep, olardyń shyǵarmashylyǵyn qoldaýǵa jáne nasıhattaýǵa baǵyttalǵan.
Qazaqstandyq jas ánshi Erjan Maksım Makedonıa astanasy Skope qalasynda ótken WAF CONTEST halyqaralyq baıqaýynyń bas júldesin jeńip aldy, dep habarlaıdy Almaty-akshamy.kz.
Qazaq ulttyq óner ýnıversıteti mektebiniń estradalyq vokal boıynsha 9-synyp oqýshysy Erjan Maksım sonymen qatar jyl saıynǵy WAF AWARDS júldesine ıe boldy.
Ýnıversıtetten túsken málimetke qaraǵanda, bul eki jarysty Dúnıejúzilik festıváldar qaýymdastyǵy ótkizedi. WAF ótkizgen ár túrli baıqaýlardyń belsendi qatysýshylary jyl qorytyndysyna sáıkes marapattalady.
Bul marapattar daryndy jastardyń tabystary men jetistikterin dáriptep, olardyń shyǵarmashylyǵyn qoldaýǵa jáne nasıhattaýǵa baǵyttalǵan.
Bıylǵy jyly WAF CONTEST baıqaýynda Eýropa jáne Azıanyń 16 memleketinen, sonyń ishinde Qazaqstannan 32 qatysýshy baq synady.
Olardyń arasynan Erjan Maksım baıqaýdyń Gran-prı ıegeri atandy. Ol óziniń jeńisin Qazaqstanǵa, sondaı-aq Qazaq ulttyq óner ýnıversıtetine arnady. Bul ýnıversıtettiń bıyl toılanatyn 25 jyldyǵyna alǵashqy tartý boldy.
Atalǵan baıqaýǵa Qazaqstannan Erjanmen birge atyraýlyq Altynaı Tólegen de qatysyp, ol WAF AWARDS júldesine qosa ekinshi oryndy enshiledi.