Būl sūraqqa Úkímet otyrysynda Jasandy ıntellekt jáne tsıfrlyq damu mınıstrí Jaslan Mádıev jauap berdí, – dep habarlaıdy aqshamnews.kz tílshísí.
Premer-mınıstr Oljas Bektenov elde júrgízushísíz taksıdíń qashan íske qosylatynyn sūrady.
"Qazír bíz Digital Bridge forumyn kútíp otyrmyz. Sol jerde tehnologıyalarymyzdy tanystyryp, kórsetkímíz keledí. Almatyda alǵashqy júrgízushísíz kólík synaq rejımínde júríp jatyr. Ol tájírıbe jınap, kartalardy ázírleude. Osy rejımde bírneshe myń shaqyrym júruímíz kerek. Sodan keıín alǵashqy kommertsıyalyq saparlardy bastaı alamyz", – dedí "Yandeks Qazaqstan" kompanıyasynyń bas dırektory Tımur Shalekenov.
Jaslan Mádıev osy salany retteu jūmystary qatar júrgízílíp jatqanyn aıtty.
"Bíz normatıvtík-qūqyqtyq retteu máselesín qatar pysyqtap jatyrmyz. Qazír íske qosylǵan pılottyq joba, bírínshíden, normatıvtík-qūqyqtyq aktílerdí ázírleuge, ekínshíden, aıtylǵandaı, kartalardy jasauǵa kómektesedí. Pılottyq joba Astana, Almaty jáne Qosshy qalalarynda íske qosyldy", – dedí mınıstr.
Oljas Bektenov íske qosu merzímín taǵy bír ret naqtylady. Jaslan Mádıevtíń aıtuynsha, júrgízushísíz taksılerdí 2027 jyly íske qosu josparlanyp otyr.