Sebebi koronavırýs ınfeksıasynyń jańa shtammdary jedel tarap jatyr.
Bul búgingi Úkimet otyrysyna qatysqan QR Premer-Mınıstriniń orynbasary Eraly Toǵjanovtyń sózi, dep habarlaıdy Almaty-akshamy.kz.
«Jalpy, elimizdegi epıdemıologıalyq jaǵdaı turaqty. Sońǵy aıda koronavırýs ınfeksıasymen aýyrý kórsetkishi 1,7 ese tómendedi. Degenmen búginde álemde, onyń ishinde kórshiles elderde, naýqastar sanynyń kezekti ret artýy baıqalyp otyr», - dedi Úkimet basshysynyń orynbasary.
Onyń aıtýynsha, koronavırýs ınfeksıasynyń jańa shtammdary jedel tarap jatyr. «Nur-Sultan qalasynda júrgizilgen skrınıngtiń aldyn ala nátıjesi vırýstyń mýtasıasyn anyqtady, ol «delta» shtamyna tán ekenin kórsetip otyr. Osyǵan baılanysty óńir ákimderinen epıdemıologıalyq ahýaldy baqylaýdy kúsheıtýdi suraımyz», - dedi Eraly Toǵjanov.