Qazaqstan men QHR avtotasymaldarǵa rūqsat beru boıynsha shekteusíz júıege kóshuge kelístí, dep habarlaıdy aqshamnews.kz
Būl turaly qos taraptyń qūzyrly mınıstrlíkterí ókílderíníń kezdesuínen keıín belgílí boldy. 6-12 qarasha aralyǵynda Qytaı tarapy Qazaqstanǵa 15 myń rūqsat blankílerín beredí. Osylaısha jetí kúnníń qorytyndysy boıynsha qazaqstandyq tasymaldaushylardyń táulíktík naqty qajettílígí aıqyndalady. Alynǵan derekterdíń negízínde bolashaqta rūqsat blankílerí kún saıyn beríletín bolady. Kólík mınıstrlígíníń málímetínshe, 2026 jyldan bastap rūqsat blankílerín sandyq shekteusíz túrde beru júıesíne kóshu josparlanyp otyr. Osylaısha Qytaıǵa elektrondy kezek júıesí arqyly kíretín barlyq kólík qūraldaryna, QHR zańnamasyn būryn būzbaǵan jaǵdaıda, rūqsattar avtomatty túrde beríletín bolady.
