Eljas Otynshıev "Qazaqstan temír joly" (QTJ) ūlttyq kompanıyasynyń basqarma tóraǵasy bolyp taǵaıyndaldy. Būl turaly "Samūryq-Qazyna" qory habarlady, – dep habarlaıdy aqshamnews.kz tílshísí.
"Samūryq-Qazyna" AQ basqarmasynyń sheshímímen Eljas Mūratūly Otynshıev "Qazaqstan temír joly" ŪK" AQ basqarma tóraǵasy lauazymyna taǵaıyndaldy", - delíngen habarlamada.
Eljas Otynshıev turaly ne belgílí?
Eljas Otynshıev Máskeu fızıka-tehnıkalyq ınstıtutynyń bakalavrıaty men magıstraturasyn "jalpy jáne qoldanbaly fızıka" mamandyǵy boıynsha bítírgen.
Eńbek jolyn 2007 jyly Ernst & Young kompanıyasynyń Máskeudegí keńsesínde bıznestí baǵalau jáne mámílelerdí súıemeldeu departamentíníń keńesshísí bolyp bastady.
2009-2019 jyldar aralyǵynda "Samūryq-Qazyna" AQ jáne onyń enshíles kompanıyalarynda jūmys ístedí.
2021-2023 jyldary KIDF-te basqarushy lauazymdarda qyzmet etíp, ınvestıtsıyalyq portfeldí basqaruǵa jetekshílík ettí.
2023 jyldyń sáuír aıynan bastap qazírgí uaqytqa deıín "Samūryq-Qazyna" AQ strategıya jáne aktıvterdí basqaru jóníndegí basqarushy dırektory – basqarma múshesí qyzmetín atqardy. Būl lauazymda qordyń mūnaı-gaz, temírjol, tau-ken jáne basqa da sektorlardaǵy portfeldík kompanıyalaryn basqaruǵa jauapty boldy.
2024 jyldyń aqpanynan bastap "Qazaqstan temír joly" ŪK" AQ dırektorlar keńesíníń múshesí.
2023 jyly Qazaqstan Respublıkasynyń memlekettík nagradasy – "Eren eńbegí úshín" medalímen marapattaldy.