Būǵan deıín Nūr-Sūltan qalasynda koronavırustyń úndí shtammy anyqtalǵanyn habarlaǵanbyz.
Búgín QR Premer-Mınıstríníń orynbasary Eraly Toǵjanovtyń tóraǵalyǵymen QR aumaǵynda koronavırus ınfektsıyacynyń taraluyna jol bermeu jóníndegí vedomstvoaralyq komıssıyanyń (VAK) otyrysy óttí, dep habarlaıdy Almaty-akshamy.kz.
Nūr-Sūltan qalasynda «Delta» (úndí) shtammyna tán COVID-19 mutatsıyasynyń anyqtaluyna baılanysty vedomstvoaralyq komıssıya QR Bas memlekettík sanıtar dárígeríne karantındík rejım boıynsha mynadaı qosymsha sharalar qabyldaudy ūsyndy:
COVID-19-ǵa qarsy vaktsınasyz (tūraqty medıtsınalyq qarsy kórsetílímderí bar jáne auyryp shyqqan adamdardy qospaǵanda) qyzmet kórsetu salasynyń qyzmetkerlerí, írí ūıymdasqan ūjymdar (ónerkásíptík kásíporyndar) úshín jūmysqa kíruge shekteu engízu);
KVI-ǵa qarsy vaktsına aludan bas tartatyn (KVI-ǵa qarsy vaktsınalauǵa medıtsınalyq qarsy kórsetílímí joq azamattar) qyzmet kórsetu salasynyń, ónerkásíp kásíporyndarynyń jáne ózge de ūıymdasqan ūjymdardyń qyzmetkerlerí úshín míndettí PTR-testíleu talabyn engízu;
Ashyq jobasyna jańa kásípkerlík subektílerín qosu úshín, sondaı-aq joba ayasynda jūmys ístep tūrǵan subektílerdíń jūmysyn odan árí jalǵastyru úshín barlyq personaldy (tūraqty medıtsınalyq qarsy kórsetílímderí bar jáne auyryp shyqqan adamdardy qospaǵanda) vaktsınalau qajettílígí jónínde talap engízu);
Ashyq jobasyna sauda oıyn-sauyq ortalyqtaryn, sauda úılerí men azyq-túlíktík emes bazarlardy qosu.
Sondaı-aq, Densaulyq saqtau mınıstrlígíníń Nūr-Sūltan qalasy boıynsha karantındík rejımdí kúsheıtu jóníndegí ūsynysy qoldau tapty:
- senbí jáne jeksenbí kúnderí jūmys ísteuge tyıym sala otyryp, jūmys kúnderí saǵat 17:00-ge deıín azyq-túlík emes tauarlardy satatyn sauda oıyn-sauyq ortalyqtarynyń, sauda ortalyqtarynyń, sauda jelíleríníń jūmys rejımín shekteu (osy obektílerde COVID-19-ǵa qarsy jappaı vaktsınalau punktteríníń ornalasuyna qaramastan);
- senbí jáne jeksenbí kúnderí jūmys ísteuge tyıym sala otyryp, saǵat 7.00-20.00 aralyǵynda ǵımarat íshíndegí qoǵamdyq tamaqtanu obektíleríníń (meıramhanalar, dámhanalar, barlar, ashanalar) jūmysyn shekteu, ashyq auada saǵat 7.00-22.00 aralyǵynda shekteu («Ashyq» jobasyna qatysatyn obektílerdí qospaǵanda»);
- jabyq azyq-túlík emes bazarlardyń jūmysyn demalys kúnderí jūmys ísteuge tyıym sala otyryp, saǵat 10.00-den 20.00-ge deıín shekteu (osy obektílerde COVID-19-ǵa qarsy jappaı vaktsınatsıyalau punktteríníń ornalasuyna qaramastan);
- sanıtarlyq talaptardy saqtaı otyryp, 100 adamnan assa, ashyq auada jappaı ís-sharalar ótkízuge tyıym salu (dínı, sporttyq jáne t.b.)
Sonymen qatar Eraly Toǵjanov ortalyq memlekettík organdarǵa, ákímdíkterge shtammnyń joǵary kontagıozdylyǵyn eskere otyryp, «Delta» shtamynyń taraluynyń aldyn alu boıynsha barlyq sharalardy qabyldaudy tapsyrdy.
Densaulyq saqtau mınıstrlígíne ákímdíktermen bírlesíp, osy jylǵy 28 mausymǵa deıín rezervtík qorlardaǵy tósek qoryna, kadrlyq qamtamasyz etuge, dárí-dármekterdíń jetkílíktílígíne tekseru júrgízu tapsyryldy.
Qorytyndylaı kele, Premer-Mınıstrdíń orynbasary halyqty koronavırusqa qarsy vaktsınamen qamtudy ūlǵaıtu qajettígín atap óttí.
Eske salaıyq, búgín Úkímet otyrysynda QR Densaulyq saqtau mınıstrí Alekseı Tsoı elordada koronavırustyń úndí shtammy anyqtalǵanyn málím ettí.