Munaı-gaz salasyndaǵy mańyzdy sharaǵa álem elderinen 156 kompanıa qatysýda
«EXPO» halyqaralyq kórme ortalyǵynda ótip jatqan sharaǵa óz elimizden bólek Reseı, Belarýs, Avstrıa, Bahreın, Ulybrıtanıa, Germanıa, Nıderlandy jáne Horvatıadan júz elýden astam kompanıa qatysyp jatyr, dep habarlaıdy Almaty-akshamy.kz QazAqparatqa silteme jasap.
Kórmege qoıylǵan ekspozısıanyń jalpy aýdany - 2700 sharshy metr. Uıymdastyrýshylardyń aıtýynsha, kórmege kelýshiler munaı jáne gaz salasyna qatysty sońǵy tehnologıalarmen tanysýmen qatar, sala mamandarymen tildesip, tájirıbe almasa alady.
«KIOGE» kórmesi elordada alǵash ret uıymdastyrylyp otyr. Bul - munaı jáne gaz salasyndaǵy mańyzdy shara. Halyqaralyq kórme eki jylda bir ret ótedi jáne bıylǵy sharaǵa 9 elden 120-dan astam kompanıa qatysyp jatyr. Kórmeniń bizge birer paıdasy - sheteldik ozyq kompanıalarmen birlesip jumys isteý múmkindigi men olardyń zamanaýı noý-haýlaryn ózimizge tartý. Sonymen qatar osy shara arqyly munaı jáne gaz salasyndaǵy otandyq kompanıalarǵa úlken múmkindik berilip, olar halyqaralyq iri kompanıalarmen baılanys ornatyp, ózara tájirıbe almasa alady. Aldaǵy ýaqytta halyqaralyq kórmege qatysýshy kompanıalardyń sany kóbeıip, aıasy keńeıe túsedi dep oılaımyn», - dedi QR Energetıka mınıstri Maǵzum Myrzaǵalıev kórmeniń ashylý saltanatynda.
Sondaı-aq, mınıstr kórmeni aralap, oǵan qoıylǵan ónimdermen tanysyp ótti. Odan bólek, osymen 27-shi ret ótip otyrǵan halyqaralyq kórme aıasynda dóńgelek ústelder men semınarlar uıymdastyrylady dep kútilýde. Aıta keteıik, elordadaǵy KIOGE kórmesi eki kúnge sozylady.