Qaraǵandy oblysy men Shymkentte tūrǵyn úıdí jaldau aqysyna memleketten qoldau aluǵa ótínísh bergen 2300-den astam otbasynyń 913-í auqatty bolyp shyqty, dep habarlaıdy Aqshamnews.kz tílshísí.
Eńbek jáne halyqty áleumettík qorǵau mınıstrlígíníń málímetínshe, byltyr atalǵan ekí óńírde azamattardyń ál-auqatyn baǵalaıtyn skorıngtík model pılottyq túrde engízílgen. Osy kezeńde 27 myńnan astam ótínísh túsken.
Vedomstvonyń habarlauynsha, «tūrǵyn úı kómegín taǵaıyndau», «jeke tūrǵyn úı qorynan jalǵa alynǵan baspananyń jaldau aqysynyń bír bólígín subsıdıyalau» jáne «múgedektígí bar balalardy úıde oqytu shyǵyndaryn óteu» qyzmetterí boıynsha sheshím qabyldauda osy model qoldanylyp keledí. Sonyń íshínde jaldau aqysynyń bír bólígín subsıdıyalauǵa 2 356 ótínísh túsíp, tekseru nátıjesínde 913 otbasynyń auqatty ekení anyqtalǵan.
Sondaı-aq 2025 jylǵy 1 qyrkúıekten bastap múgedektígí bar balalardy úıde oqytu shyǵyndaryn óteu qyzmetíne ótínísh qabyldau bastalyp, barlyǵy 1 741 ótínísh tírkelgen. Ūpaılau qorytyndysy boıynsha onyń 44-í auqatty otbasylar sanatyna jatqyzylǵan.