Neke sanynyń azaıýy Qazaqstannyń barlyq óńirinde tirkeldi, dep habarlaıdy aqshamnews.kz
2025 jyldyń qańtar-naýryz aılarynda elde shamamen 22,5 myń neke tirkeldi. Bul ótken jyldyń osy kezeńimen salystyrǵanda 4,3 myńǵa (nemese 16%-ǵa) az.
Bul – 2014 jyldan bergi kez kelgen toqsan ishindegi eń tómengi nátıje. Tek koronavırýs shekteýleri áser etken 2020 jyldyń II toqsany ǵana odan da tómen kórsetkishke ıe bolǵan (sol kezde 16,6 myń ǵana neke tirkelgen).
Neke sanynyń azaıýy Qazaqstannyń barlyq óńirinde tirkeldi. Alaıda bul tómendeýge eń kóp yqpal etken eki óńir –
Túrkistan oblysy: kórsetkish 19%-ǵa qysqardy
Almaty qalasy: 21%-ǵa tómendedi
Neke jıiligin sıpattaıtyn jalpy koefısıent (1000 adamǵa shaqqanda) da barlyq óńirde tómendedi. 2025 jyldyń alǵashqy úsh aıynda el boıynsha bul kórsetkish 4,47 boldy, al byltyr dál osy kezeńde 5,33 edi.
Eń tómen koefısıent — Batys Qazaqstan oblysynda (3,72)
Eń joǵary — Almaty oblysynda (5,26)