Úkimettiń 2023 jylǵy qaýlysyna sáıkes, mamyrdyń ekinshi jeksenbisi Analar kúni bolyp bekitildi. Elimizde jalpy qansha kópbalaly ana bar? Olar qansha járdemaqy alady? Tolyǵyraq Aqshamnews.kz materıalynda.
Qazaqstanda kópbalaly analardyń sany jyl saıyn artyp keledi. 2025 jylǵy naýryzdaǵy derekke sáıkes, elimizde kópbalaly otbasylarǵa jáne nagradtalǵan analarǵa beriletin memlekettik járdemaqylarmen orta eseppen 857 myń otbasy qamtylǵan: onyń ishinde 614,8 myń kópbalaly otbasy men 242,2 myń nagradtalǵan ana.
Kópbalaly analarǵa beriletin járdemaqy mólsheri bala sanyna qaraı esepteledi:
- 4 balasy bar otbasylarǵa – 16,03 AEK nemese 63 030 teńge;
- 5 balaǵa – 20,04 AEK nemese 78 798 teńge;
- 6 balaǵa – 24,05 AEK nemese 94 565 teńge;
- 7 balaǵa – 28,06 AEK nemese 110 332 teńge;
- 8 jáne odan da kóp balasy bar otbasylarǵa – ár balaǵa 4 AEK nemese 15 728 teńge mólsherinde tólendi.
Aıta keteıik, kópbalaly analarǵa turǵyn úı máselesinde de qoldaý kórsetiledi. Qazir Qazaqstan boıynsha 655 myń adam turǵyn úı kezeginde tur, olardyń 21%-y - kópbalaly analar .