Ūlttyq statıstıka byurosynyń 1 mausymdaǵy málímetínshe, Qazaqstanda tírkelgen avtokólík sany 6,3 mıllıonǵa jettí, - dep habarlaıdy aqshamnews.kz Tengri Auto-ǵa sílteme jasap.
2025 jyldyń mamyrynda Qazaqstanda 128,1 myń avtokólík tírkelgen, būl byltyrǵy osy kezeńímen salystyrǵanda shamamen 15 paıyzǵa artyq. Jańadan tírkelgen kólíkterdíń basym bólígín – 113 myńyn jeńíl avtokólíkter qūraıdy.
Sonymen qatar, mamyrda Qazaqstan joldaryna:
8 myń júk kólígí;
1,4 myń avtobus shyqqan.
Búgínde Qazaqstanda 20,33 mıllıon adam tūrady. Jalpy 6,3 mıllıon avtokólíktí eskersek, árbír úshínshí qazaqstandyq kólík ıesí degen sóz.
Ekologıyalyq taza kólíkterge degen qyzyǵushylyq ta artyp keledí: 2024 jyldyń mamyrymen salystyrǵanda tírkelgen elektromobılder sany 66,9 paıyzǵa kóbeıgen.
Otyn túrlerí boıynsha ósím:
benzınmen júretín kólíkter – 15,3 paıyz;
dızelmen – 13,9 paıyz;
gazben – 36,2 paıyz;
aralas otynmen – 9,3 paıyzǵa artty.
4 aıda 500 myńnan asa kólík
Ūlttyq statıstıka byurosynyń málímetíne sáıkes, 2025 jylǵy 1 aqpanda avtokólík sany byltyrǵy aqpanymen salystyrǵanda 7,6 paıyzǵa ósken.
2025 jylǵy 1 aqpanǵa deıín Qazaqstanda tírkelgen kólíkter sany – 5 775 499:
jeńíl kólíkter – 5 068 227;
júk kólíkterí – 570 779;
avtobustar – 116 493.
Tórt aıdyń íshínde elímízdíń avtoparkí 526 987 kólíkpen tolyqqan.
Almatyda kólík sany byltyr-aq shektí deńgeıge jetken. Kún saıyn qala joldaryna bír mıllıonǵa deıín kólík shyǵady, onyń 600 myńy – Almatyda tírkelgen, al 400 myńy – oblystan keletínder.
Sol kezde kólík salasynyń sarapshylary "aqyly tūraqtardy keńeıtíp, qala íshínde qozǵalysty shekteu" ūsynysyn jasaǵan. Olardyń píkírínshe, būl jol qozǵalysyndaǵy júktemení azaıtyp, megapolıstegí ekologıyalyq jaǵdaıdy jaqsartuy tıís bolatyn.