Qazaqstanda jeke protsedurlyq kabınetterge júrgízílgen tekseríster nátıjesínde 15 mıllıon teńgeden astam aıyppūl salyndy, dep habarlaıdy Aqshamnews.kz tílshísí.
Densaulyq saqtau mınıstrlígíníń málímetínshe, tekserís barysynda lıtsenzıyasyz nemese qajettí qosymshalarsyz jūmys ístegen, sondaı-aq túrlí zańbūzushylyqtarǵa jol bergen 406 obekt anyqtalǵan. Túsíndíru jūmystary júrgízílgennen keıín 247 kabınettíń qyzmetí óz erkímen toqtatylǵan.
«Protsedurlyq kabınetter – epıdemıologıyalyq tūrǵydan joǵary kategorıyadaǵy nysandar. Olar densaulyq saqtau subektíleríne qoıylatyn barlyq talaptarǵa saı boluy tıís. Orta buyndaǵy medıtsına qyzmetkerleríne lıtsenzıyasyz ınvazıvtí protseduralar jasauǵa rūqsat etílmeıdí. Alaıda bírqatar kabınette mūndaı qyzmetter zańsyz kórsetílgen», – dep habarlady mınıstrlík.
Qalǵan nysandar boıynsha tekseríster jalǵasyp jatyr. Búgínge deıín 84 obektíge jospardan tys tekseru júrgízílíp, kelesí zańbūzushylyqtar anyqtalǵan:
- medıtsınalyq qyzmetke lıtsenzıyanyń bolmauy;
- sanıtarlyq talaptardyń saqtalmauy;
- dárí-dármekterdí dūrys saqtamau;
- bílíktí personaldyń joqtyǵy;
- jedel kómekke arnalǵan qajettí jabdyqtardyń bolmauy.
Tekserís nátıjesínde 122 ákímshílík hattama toltyrylyp, jalpy somasy 15 mıllıon teńgeden asatyn aıyppūl salynǵan. Mınıstrlík jeke kabınetterdí tekseru jūmystaryn jalǵastyryp jatyr.