Kúzdiń sońǵy aıy elimiz úshin birqatar mańyzdy jańalyqtar men ózgerister ákelmek. Ekonomıkadan bastap sıfrlandyrýǵa, áýe tasymaly men jastar bastamalaryna deıin tyń jaıttarǵa tolady. Aqshamnews.kz tilshisi materıalda tarqatady.
Ulttyq bank bazalyq mólsherlemeni qaıta kóterýi múmkin
Qazannyń basynda Ulttyq bank tóraǵasy Tımýr Súleımenov ınflásıa maqsatty dálizge túspese, bazalyq mólsherleme taǵy ósýi múmkin ekenin málimdegen bolatyn.
"Qarashada boljamdy raýnd ótkizip, makroparametrlerdi jańartamyz. İshki jáne syrtqy faktorlardyń ınflásıaǵa áseri qaıta baǵalanady", - dedi Súleımenov.
Bazalyq mólsherlemege qatysty sheshim 28 qarashada jarıalanady. Eger rasymen ósse, nesıe quny artyp, depozıtter boıynsha tabys joǵarylaýy múmkin.
sýret: Ulttyq bank
Sıfrlandyrý jáne mıgrasıa: jańa platforma iske qosylady
1 qarashadan bastap elimizde mıgrasıalyq prosesterdi esepke alýdyń biryńǵaı sıfrlyq platformasy kezeń-kezeńimen iske qosyla bastaıdy.
Júıe:
-
mıgranttar týraly aqparatty kelýine deıin jınaıdy,
-
tekseristerdi avtomatty rejımde júrgizedi,
-
qyzmetterdi bir tereze arqyly kórsetedi,
-
kóshi-qon statısıkasyn taldap, bolashaq aǵyndardy boljaýǵa múmkindik beredi.
Jasulan Mádıevtiń aıtýynsha, jańa model mıgrasıalyq rásimderdi 60-70% qysqartady, ashyqtyqty arttyrady jáne memlekettik organdardyń jumysyn jeńildetedi.
sýret: Gov.kz
Qarashadan bastap birqatar jańa áýe baǵyty ashylady
Qazaq Air (Vietjet Qazaqstan)
-
Astana-Samarqand - 7 qarashadan, juma jáne jeksenbi
-
Astana-Bishkek - 10 qarashadan, dúısenbi jáne beısenbi
FlyArystan
-
Aqtaý-Dýbaı - 29 qarashadan, senbi kúnderi (mereke kezderinde qosymsha reıster)
Bıletter baǵasy 62 myń teńgeden bastalady.
sýret: FlyArystan
Qysqy shınalar qymbattaı bastaıdy
Avtoshına satatyn salondar 1 qarashadan bastap qysqy rezeńkenyń baǵasy ósetinin aıtty. Bul - maýsymdyq baǵa ósimi. Eske salaıyq, 30 qarashaǵa deıin júrgizýshiler kólikti qysqy dóńgelekke aýystyrýǵa mindetti.
Qazirgi ortasha baǵalar (tanymal ári tekserilgen brendter boıynsha):
-
205/55 R16 - dóńgelekke 25 myń tg-den bastap
-
185/65 R15 - 18 myń tg-den bastap
-
215/65 R16 - 27 myń tg-den bastap
Baǵalar ázirge maýsym resmı bastalmaı turǵanda ózekti. Tanymal emes markalar esepke alynǵan joq.
sýret: ashyq derekkóz
Oqýshylar demalystan oralady
27 qazan - 2 qarasha aralyǵynda berilgen kúzgi kanıkýl aıaqtalyp, 3 qarashada oqýshylar II toqsandaǵy oqýyn bastaıdy.
Al kelesi demalys - 29 jeltoqsan - 7 qańtar aralyǵynda ótetin qysqy kanıkýl bolady.
"Qaırat" ıtalıalyq klýbpen kezdesedi
Almatylyq "Qaırat" klýby CHL-daǵy kezekti syrt alańdaǵy machin ótkizedi.
-
6 qarasha - "Inter" vs "Qaırat", Mılan, "San-Sıro"
-
26 qarasha - "Kopengagen" vs "Qaırat", Danıa
Sondaı-aq, 22 qarashada Dohada qazaqstandyq sportshy Asý Almabaev UFC-de amerıkalyq Aleks Perezben jekpe-jek ótkizedi. Bul - tarıhtaǵy alǵashqy Katardaǵy UFC týrnıri.
Qarashada qansha kún demalamyz?
Qarashada Qazaqstanda demalys beriletin mereke joq.
Qarashada qandaı mereke bar?
Qarashada kásibı jáne basqa da merekeler bar:
- 5 qarasha - Syrtqy barlaý kúni.
- 8 qarasha - Statısıka kúni.
- 10 qarasha - Sıfrlandyrý jáne aqparattyq tehnologıalar qyzmetkerleriniń kúni.
- 15 qarasha - Ulttyq valúta - teńge kúni, Qazaqstan Respýblıkasy qarjy júıesi qyzmetkerleriniń kásibı merekesi.
- 16 qarasha (qarashanyń úshinshi senbisi) - Burǵyshylar kúni.
- 17 qarasha (qarashanyń úshinshi jeksenbisi) - Aýyl sharýashylyǵy, tamaq jáne óńdeý ónerkásibi qyzmetkerleriniń kúni.